ബാർബഡോസ്: ടി20 ലോകകപ്പിൽ മുത്തമിട്ട് ഇന്ത്യ. 17 വർഷങ്ങൾക്ക് ശേഷം ഇന്ത്യ ട്വന്റി -20 ലോകകപ്പ് ഉയർത്തി. ത്രില്ലർ ഫൈനൽ പോരാട്ടത്തിനൊടുവിലാണ് ഇന്ത്യ വിജയം സ്വന്തമാക്കിയത്. ഫൈനലില് ദക്ഷിണാഫ്രിക്കയെ ഏഴ് റണ്സിന് തോല്പ്പിച്ചാണ് ഇന്ത്യ രണ്ടാം ടി20 ലോകകപ്പ് സ്വന്തമാക്കിയത് .
2013ന് ശേഷം ഇന്ത്യ നേടുന്ന ആദ്യ ഐസിസി കിരീടം കൂടിയാണിത്. ഇന്ത്യ ഉയർത്തിയ 177 റൺസെന്ന വിജയലക്ഷ്യവുമായി ക്രീസിൽ ഇറങ്ങിയ ദക്ഷിണാഫ്രിക്കയ്ക്ക് 20 ഓവറിൽ എട്ട് വിക്കറ്റ് നഷ്ടത്തിൽ 169 റൺസ് നേടാനേ കഴിഞ്ഞുള്ളൂ. മത്സരത്തിന്റെ അവസാനം സൂര്യകുമാറിന്റെ കിടിലൻ ബൗണ്ടറി ലൈൻ ക്യാച്ച് ഇന്ത്യൻ വിജയത്തിന് നിർണായകമായി.
ഹാര്ദിക് പാണ്ഡ്യ മൂന്നും അര്ഷ്ദീപ് സിംഗ്, ജസ്പ്രിത് ബുമ്ര എന്നിവര് രണ്ട് വിക്കറ്റ് വീതവും വീഴ്ത്തി. വിരാട് കോലിയുടെ (59 പന്തില് 76) ഇന്നിംഗ്സാണ് ഇന്ത്യയെ മികച്ച സ്കോറിലേക്ക് നയിച്ചത്. അക്സര് പട്ടേല് (31 പന്തില് 47) മികച്ച പ്രകടനം പുറത്തെടുത്തു.
ഹെന്റിച്ച് ക്ലാസനാണ് (27 പന്തില് 52) ദക്ഷിണാഫ്രിക്കയുടെ ടോപ് സ്കോറര്. ക്വിന്റണ് ഡി കോക്ക് (31 പന്തില് 39), ട്രിസ്റ്റണ് സ്റ്റബ്സ് (21 പന്തില് 31)എന്നിവര് വിജയപ്രതീക്ഷ നല്കുന്ന പ്രകടനം പുറത്തെടുത്തെങ്കിലും കന്നിക്കിരീടം ലക്ഷ്യമിട്ടിറങ്ങിയ ദക്ഷിണാഫ്രിക്കയ്ക്ക് ഇന്ത്യക്ക് മുന്നിൽ പിടിച്ചു നിൽക്കാനായില്ല.
കൂടുതൽ ഗൾഫ് വാർത്തകൾക്കും തൊഴിലവസരങ്ങൾക്കും ഗൾഫ് വാർത്തകൾ ഗ്രൂപ്പിൽ ജോയിൻ ചെയ്യുക https://chat.whatsapp.com/DEUubIBAkhI9HFrIvyQtal
ഗൾഫ് വാർത്തകൾ വാട്സ്ആപ്പ് ചാനൽ ലിങ്ക് https://whatsapp.com/channel/0029VagTUieB4hdXiUEnVF1K
