റിയാദ്: സൗദി അറേബ്യയില്‍ ഉംറ തീര്‍ത്ഥാടകര്‍ക്ക് രാജ്യം വിടാനുള്ള സമയപരിധി നിശ്ചയിച്ചു. ഉംറ തീര്‍ത്ഥാടര്‍ക്ക് സ്വന്തം രാജ്യത്തേക്ക് മടങ്ങാനുള്ള അവസാന ദിവസം, ജൂണ്‍ 6 ആയിരിക്കുമെന്ന് സൗദി ഹജ്ജ്- ഉംറ മന്ത്രാലയം പ്രഖ്യാപിച്ചു. വരാനിരിക്കുന്ന ഹജ്ജ് സീസണിനോട് അനുബന്ധിച്ചാണ് തീരുമാനം.
അതേസമയം വിദേശ തീര്‍ത്ഥാടകര്‍ക്കുള്ള ഉംറ വിസയ്ക്ക് രാജ്യത്ത് പ്രവേശിച്ച തീയതി മുതല്‍ 90 ദിവസത്തെ സാധുതയുണ്ടെന്നും എന്നാല്‍ ഉംറ വിസകള്‍ മറ്റ് വിസകളിലേക്ക് മാറ്റാന്‍ കഴിയില്ലെന്നും മന്ത്രാലയം വ്യക്തമാക്കി.
