ദോഹ: ഖത്തറില് പള്ളി വകുപ്പ് പ്രതിനിധീകരിക്കുന്ന ഔഖാഫ്, ഇസ്ലാമിക കാര്യ മന്ത്രാലയം, ഐന് ഖാലിദില് പുതിയ പള്ളി ഉദ്ഘാടനം ചെയ്തു. ഈദ് പ്രാര്ത്ഥനാ ഗ്രൗണ്ട്, രണ്ട് നിലകളിലായി ഖുര്ആന് പഠന കേന്ദ്രം, രണ്ട് ഇമാം വസതികള്, ഒരു മുഅദ്ദിന് താമസസ്ഥലം എന്നിവ ഉള്പ്പെടുന്നതാണ് പുതിയ കേന്ദ്രം.
25,000 ചതുരശ്ര മീറ്റര് വിസ്തൃതില് വിശാലമായ സ്ഥലത്താണ് പുതിയ സമുച്ചയത്തിന്റെ നിര്മാണം. നമ്പര് എംഎസ് 1404 ല് 1,330 പുരുഷന്മാര്ക്കായി ഉള്ള പ്രധാന പ്രാര്ത്ഥനാ ഹാളും 135 വിശ്വാസികളെ ഉള്ക്കൊള്ളുന്ന വനിതാ പ്രാര്ത്ഥനാ ഹാളും ഉണ്ട്. വിശാലമായ വുദു ഏരിയകള്, സംയോജിത സേവന സൗകര്യങ്ങള്, വികലാംഗര്ക്ക് പ്രത്യേക പാര്ക്കിംഗ് ഉള്പ്പെടെ വിശാലമായ പാര്ക്കിംഗ് സ്ഥലങ്ങള്, സുഗമമായ ഗതാഗതം ഉറപ്പാക്കാന് ആക്സസ് പോയിന്റുകള് എന്നിവയും ഉണ്ട്.
വിശാലമായ സൗകര്യങ്ങളോടെയുള്ള ഖുര്ആന് പഠന കേന്ദ്രമാണ് പ്രധാന പ്രത്യേകത. വ്യത്യസ്ത പ്രായത്തിലുള്ള പഠിതാക്കള്ക്കായി 10 പൂര്ണ്ണമായും സജ്ജീകരിച്ച ക്ലാസ് മുറികള്, വിദ്യാഭ്യാസ, സാംസ്കാരിക, കമ്മ്യൂണിറ്റി പ്രവര്ത്തനങ്ങള്ക്കുള്ള ഒരു മള്ട്ടി പര്പ്പസ് ഹാള്, വിദ്യാര്ത്ഥികള്ക്കും സന്ദര്ശകര്ക്കുമായുള്ള ഒരു ലൈബ്രറി എന്നിവയും കേന്ദ്രത്തിലുണ്ട്.
കൂടുതല് വാര്ത്തകള്ക്കും തൊഴിലവസരങ്ങള്ക്കും ഗള്ഫ് മലയാളി വാര്ത്താ ഗ്രൂപ്പില് ജോയിന് ചെയ്യുക – https://chat.whatsapp.com/BEtoiocklOc8D5XDkdaHoR?mode=hq2tcla
വാട്സ്ആപ്പ് ചാനല് ലിങ്ക്- https://whatsapp.com/channel/0029VagTUieB4hdXiUEnVF1K
