കൊച്ചി: കീം പരീക്ഷാഫലം ഹൈക്കോടതി റദ്ദാക്കി. കഴിഞ്ഞയാഴ്ച പ്രസിദ്ധീകരിച്ച ഫലമാണ് റദ്ദാക്കിയത്. എന്ജിനിയറിങ് പ്രവേശനത്തിനുള്ള പ്രവേശന പരീക്ഷയുടെ റാങ്ക് നിര്ണയ രീതി സിബിഎസ്ഇ സിലബസ് വിദ്യാര്ത്ഥികളെ ദോഷകരമായി ബാധിക്കുന്നതായി ചൂണ്ടിക്കാട്ടിയുള്ള ഹര്ജിയിലാണ് നടപടി. ജസ്റ്റിസ് ഡി കെ സിങ്ങിന്റെ നേതൃത്വത്തിലുള്ള ബെഞ്ചിന്റേതാണ് ഉത്തരവ്.
സിബിഎസ്ഇ വിദ്യാര്ത്ഥികളുടെ മാര്ക്ക് ഏകീകരണത്തില് മാറ്റം വരുത്തിയ നടപടിയാണ് കോടതി റദ്ദാക്കിയത്. പ്രവേശന നടപടികളുടെ അന്തിമഘട്ടത്തില് പ്രോസ്പെക്ടസില് മാറ്റം വരുത്തിയത് തെറ്റെന്നും ഹൈക്കോടതി ചൂണ്ടിക്കാട്ടി. മാര്ക്ക് ഏകീകരണം നിയമവിരുദ്ധവും ഏകപക്ഷീയവുമാണെന്നും കീം റാങ്ക് ലിസ്റ്റ് പുനക്രമീകരിക്കണമെന്നും ഹൈക്കോടതി നിര്ദേശിച്ചു.
അതേസമയം പ്രവേശന നടപടി തുടങ്ങാന് ഇരിക്കെയാണ് ഇത്തരത്തിലൊരു തിരിച്ചടി. നടപടിയില് ഡിവിഷന് ബെഞ്ചില് അപ്പീല് നല്കുമെന്ന് സര്ക്കാര് അറിയിച്ചു.
കേരള സിലബസിലെ പ്ലസ് ടു വിദ്യാര്ത്ഥികള്ക്ക് മാര്ക്ക് കുറയാത്ത രീതിയിലുള്ള ഫോര്മുലയാണ് ഇത്തവണ മുതല് നടപ്പാക്കി റാങ്ക് പ്രസിദ്ധീകരിച്ചത്. മാര്ക്ക് ഏകീകരണത്തില് വിദഗ്ധ സമിതി നല്കിയ ശുപാര്ശ മന്ത്രിസഭ അംഗീകരിച്ചതോടെയാണ് ഫലം പുറത്തുവന്നത്. സംസ്ഥാന സിലബസില് പഠിച്ച വിദ്യാര്ഥികള്ക്ക് മാര്ക്ക് നഷ്ടപ്പെടാത്ത വിധം തമിഴ്നാട് മാതൃകയില് മാര്ക്ക് ഏകീകരണം നടപ്പാക്കാന് മന്ത്രിസഭായോഗം തീരുമാനിക്കുകയായിരുന്നു.
കൂടുതല് വാര്ത്തകള്ക്കും തൊഴിലവസരങ്ങള്ക്കും ഗള്ഫ് വാര്ത്തകള് ഗ്രൂപ്പില് ജോയിന് ചെയ്യുക – https://chat.whatsapp.com/DEUubIBAkhI9HFrIvyQtal
വാട്സ്ആപ്പ് ചാനല് ലിങ്ക്- https://whatsapp.com/channel/0029VagTUieB4hdXiUEnVF1K
