കൊച്ചി: കേരളത്തിലെ കെഎസ്ആര്ടിസി ബസുകളില് സ്ത്രീകള്ക്ക് സൗജന്യ യാത്ര അനുവദിച്ച പദ്ധതി റദ്ദാക്കണമെന്ന് ആവശ്യപ്പെട്ട് ഹൈക്കോടതിയില് ഹര്ജി. വനിതകള്ക്ക് മാത്രം സൗജന്യയാത്ര ഒരുക്കുന്ന പദ്ധതി ഏകപക്ഷീയവും വിവേചനപരവുമാണെന്ന് ഹര്ജിയില് ചൂണ്ടിക്കാട്ടി, പ്രിയദര്ശിനി പദ്ധതി റദ്ദാക്കണമെന്നാവശ്യപ്പെട്ടാണ് ഹൈക്കോടതിയില് പൊതുതാല്പര്യ ഹര്ജി ഫയല് ചെയ്തത്. പുരുഷന്മാരെയും സ്ത്രീകളെയും ലിംഗാടിസ്ഥാനത്തില് വേര്തിരിക്കുന്നത് വിവേചനപരമാണെന്നും പദ്ധതി ഭരണഘടനാ വിരുദ്ധമാണെന്നുമാണ് ഹര്ജിക്കാരന്റെ ആരോപണം.
ശാസ്ത്രീയ പഠനങ്ങള് നടത്താതെയാണ് പദ്ധതി നടപ്പിലാക്കിയത്. സാമ്പത്തിക ആഘാത വിലയിരുത്തലുകള് നടത്തിയിട്ടില്ല. പൊതുജനാഭിപ്രായ രൂപീകരണം നടത്തിയില്ലെന്നും ഹര്ജിയില് ചൂണ്ടിക്കാട്ടുന്നു. രാഷ്ട്രീയ നേട്ടങ്ങള്ക്കായുള്ള തെരഞ്ഞെടുപ്പ് വാഗ്ദാനം അതേപോലെ നടപ്പിലാക്കുകയാണ് ചെയ്തത്. പദ്ധതി വഴി പ്രതിദിനം രണ്ട് കോടിയുടേയും പ്രതിവര്ഷം 800 കോടി രൂപയുടേയും അധികബാധ്യത കെഎസ്ആര്ടിസിക്ക് വരും. ഇത് താങ്ങാന് പറ്റാത്ത ഭാരമാകുമെന്നും പൊതുതാല്പര്യ ഹര്ജിയില് ചൂണ്ടിക്കാട്ടുന്നു.
അതേസമയം ഇന്ന് മുതല് ആരംഭിച്ച സ്ത്രീകളുടെ സൗജന്യയാത്രയ്ക്ക് വന് സ്വീകാര്യതയാണ് ലഭിക്കുന്നത്. സംസ്ഥാനത്തെ 3,125 ബസുകളിലാണ് സൗജന്യ യാത്രാ സൗകര്യം ലഭിക്കുക. സ്ത്രീകള്ക്കും ട്രാന്സ്ജെന്ഡര് വ്യക്തികള്ക്കും യാത്ര സൗജന്യമായിരിക്കും. പൂജ്യം ടിക്കറ്റ് നല്കിയാണ് യാത്ര.
കൂടുതല് വാര്ത്തകള്ക്കും തൊഴിലവസരങ്ങള്ക്കും ഗള്ഫ് മലയാളി വാര്ത്താ ഗ്രൂപ്പില് ജോയിന് ചെയ്യുക – https://chat.whatsapp.com/BEtoiocklOc8D5XDkdaHoR?mode=hq2tcla
വാട്സ്ആപ്പ് ചാനല് ലിങ്ക്- https://whatsapp.com/channel/0029VagTUieB4hdXiUEnVF1K
A petition has been filed in the High Court seeking cancellation of the priyadarshini scheme that allowed free travel for women in KSRTC buses in Kerala. The petition states that the scheme that provides free travel only to women is arbitrary and discriminatory, and the Priyadarshini scheme has been filed in the High Court seeking cancellation of the scheme.
