കോഴിക്കോട്: അബ്ദുല് റഹീമിന്റെ മോചനത്തിനായി രൂപീകരിച്ച സഹായ സമിതിക്കെതിരെ വിമര്ശനം. മോചനത്തിനായി ക്രൗഡ് ഫണ്ടിങ്ങിലൂടെ സമാഹരിച്ച തുകയുടെ കണക്ക് അവതരിപ്പിക്കാന് വൈകുന്നതിലാണ് കടുത്ത വിമര്ശനം. പ്രാദേശിക വാട്ട്സ്ആപ്പ് ഗ്രൂപ്പുകളിലാണ് വിമര്ശനം ഉയര്ന്നത്.
ജയില് മോചിതനായി അബ്ദുല് റഹീം നാട്ടിലെത്തി ദിവസങ്ങള് കഴിഞ്ഞിട്ടും കണക്ക് അവതരിപ്പിച്ചില്ലെന്നാണ് ആരോപണം. ഇക്കഴിഞ്ഞ മെയ് 28നായിരുന്നു അബ്ദുല് റഹീം നാട്ടിലെത്തിയത്. മോചന ദ്രവ്യം നല്കിയതിന് ശേഷം പത്ത് കോടി രൂപ അക്കൗണ്ടില് ബാക്കിയുണ്ട്. ഈ തുക എന്ത് ചെയ്യണമെന്നതിലടക്കമുള്ള കാര്യങ്ങളില് വ്യക്തത വരേണ്ടതുണ്ട്. അതേസമയം അധികമായി പിരിച്ച തുക ബാങ്കില് നിക്ഷേപിച്ചിട്ടുണ്ടെന്നാണ് നിയമസഹായ സമിതി പറയുന്നത്.
അതിനിടെ റഹീമിന്റെ മോചനതിനായി ക്രൗഡ് ഫണ്ടിങ്ങിലൂടെ ശേഖരിച്ചതില് ബാക്കി പണം എന്ത് ചെയ്യണമെന്ന് പണം നല്കിയവര് അഭിപ്രായം പറയണമെന്നായിരുന്നു വ്യവയാസി ബോബി ചെമ്മണ്ണൂര് പറഞ്ഞു. ഇന്സ്റ്റഗ്രാം പേജിലൂടെ പൊതുജനങ്ങളുടെ അഭിപ്രായം തേടും. ഭൂരിപക്ഷ അഭിപ്രായം നോക്കി തുടര്നടപടി സ്വീകരിക്കണം. പണം ദുരുപയോഗം ചെയ്യരുത്. വിവാദത്തിലേക്ക് പോകാതെ നല്ല രീതിയില് ബാക്കി തുക ഉപയോഗിക്കണം. പലരും 13 കോടി എവിടെ എന്ന് ചോദിക്കുന്നുണ്ട്. താന് ഒരു കോടി രൂപയാണ് നല്കിയത്. താന് പൈസ കൈകൊണ്ട് തൊട്ടിട്ടില്ല. എല്ലാവരോടും നിയമസഹായ കമ്മിറ്റിയുടെ ക്യൂ ആര് കോഡിലേക്ക് പണം അയക്കാനാണ് പറഞ്ഞത്. ബോക്സില് എഴുപതിനായിരം രൂപ മാത്രമാണ് താന് കളക്ട് ചെയ്തത്. തന്റെ പേരില് പലയിടത്തും പണപ്പിരിവ് നടന്നതോടെ ബോക്സില് പണം വാങ്ങുന്നത് നിര്ത്തി. ബാക്കി പണം എന്ത് ചെയ്യുമെന്ന് നിയമസഹായ സമിതി അറിയിച്ചിട്ടില്ല. ബാക്കി പണം എന്ത് ചെയ്യണമെന്ന് താന് വ്യക്തിപരമായി പറയുന്നില്ലെന്നും ബോബി ചെമ്മണ്ണൂര് കൂട്ടിച്ചേര്ത്തു.
കൂടുതല് വാര്ത്തകള്ക്കും തൊഴിലവസരങ്ങള്ക്കും ഗള്ഫ് മലയാളി വാര്ത്താ ഗ്രൂപ്പില് ജോയിന് ചെയ്യുക – https://chat.whatsapp.com/BEtoiocklOc8D5XDkdaHoR?mode=hq2tcla
വാട്സ്ആപ്പ് ചാനല് ലിങ്ക്- https://whatsapp.com/channel/0029VagTUieB4hdXiUEnVF1K
allegations against the support committee formed for the release of Abdul Rahim from Saudi arabia jail. The criticism is severe for the delay in presenting the amount collected through crowdfunding for his release. The criticism was raised in local WhatsApp groups.
