കൊച്ചി: ജമ്മു കശ്മീരിലെ പഹല്ഗാമിലുണ്ടായ ഭീകരാക്രമണത്തെ തുടര്ന്ന് ഏപ്രില് 30വരെ ശ്രീനഗറിലേക്കും തിരിച്ചും ടിക്കറ്റുകള് ബുക്ക് ചെയ്തവര്ക്ക് സൗജന്യ റീഷെഡ്യൂളിങ്ങിനും ക്യാന്സല് ചെയ്യുന്ന ടിക്കറ്റുകള്ക്ക് മുഴുവന് തുകയും റീഫണ്ടായി ലഭിക്കുന്നതിനും അവസരമൊരുക്കിയതായി എയര് ഇന്ത്യ എക്സ്പ്രസ്. യാത്രക്കാര്ക്ക് #SrinagarSupport എന്ന് ഹാഷ്ടാഗ് ടൈപ്പ് ചെയ്ത് എഐ അധിഷ്ഠിത ചാറ്റ് ബോട്ടായ ടിയ വഴിയോ 080 4666 2222/ 080 6766 2222 എന്ന നമ്പറില് വിളിച്ചോ ബുക്കിങ്ങുകള് അനായാസം ക്രമീകരിക്കാന് കഴിയും.
നിലവില് എയര് ഇന്ത്യ എക്സ്പ്രസിന് ശ്രീനഗറില് നിന്നും ബെംഗളൂരു, ഡല്ഹി, ഹൈദരാബാദ്, ജമ്മു, കൊല്ക്കത്ത എന്നിവിടങ്ങളിലേക്ക് ആഴ്ച തോറും നേരിട്ടുള്ള 80 വിമാന സര്വീസുകളാണുള്ളത്. ശ്രീനഗറില് നിന്നും കൊച്ചി, തിരുവനന്തപുരം, അഗര്ത്തല, അയോധ്യ, ചെന്നൈ, ഗോവ, മുംബൈ, പട്ന, വാരാണസി തുടങ്ങി 26 സ്ഥലങ്ങളിലേക്ക് വണ് സ്റ്റോപ് സര്വീസുകളുമുണ്ട്. പഹല്ഗാമിലുണ്ടായ ഈ ദുഃഖകരമായ സാഹചര്യത്തില് തങ്ങളുടെ അതിഥികള്ക്ക് പൂര്ണ്ണ പിന്തുണ നല്കുന്നതായും എയര് ഇന്ത്യ എക്സ്പ്രസ് അറിയിച്ചു.
കൂടുതല് വാര്ത്തകള്ക്കും തൊഴില് അവസരങ്ങള്ക്കും ഗള്ഫ് വാര്ത്തകള് ഗ്രൂപ്പില് ജോയിന് ചെയ്യുക- https://chat.whatsapp.com/Iz8594zylUiGUCaltFYrr7
ഗള്ഫ് വാര്ത്തകള് വാട്സ്ആപ്പ് ചാനല് ലിങ്ക്- https://whatsapp.com/channel/0029VagTUieB4hdXiUEnVF1K
