ഡല്ഹി: വിമാനം സുരക്ഷിതമായി ലാന്ഡ് ചെയ്തതിന് പിന്നാലെ 28-കാരനായ പൈലറ്റ് ഹൃദയാഘാതം മൂലം മരിച്ചു. എയര് ഇന്ത്യ എക്സ്പ്രസ് പൈലറ്റാണ് മരിച്ചത്. ശ്രീനഗറില് നിന്നുള്ള വിമാനം ഡല്ഹിയില് ലാന്ഡ് ചെയ്തതിന് പിന്നാലെ പൈലറ്റിന് ഹൃദയാഘാതമുണ്ടാവുകയായിരുന്നു. വിമാനം സുരക്ഷിതമായി ലാന്ഡ് ചെയ്തതിന് ശേഷമായിരുന്നു മരണം സംഭവിച്ചത്.
വിമാനം ലാന്ഡ് ചെയ്തതിന് പിന്നാലെ പൈലറ്റിന് ശാരീരിക അസ്വസ്ഥതകള് ഉണ്ടായി. കാബിനിനുള്ളില് ഛര്ദിച്ച പൈലറ്റിനെ ഉടന് തന്നെ ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല. ജീവനക്കാരന്റെ മരണത്തില് എയര് ഇന്ത്യ ദുഃഖം രേഖപ്പെടുത്തി. വിലപ്പെട്ട ഒരു സഹപ്രവര്ത്തകനെ നഷ്ടപ്പെട്ടതില് ഞങ്ങള് അഗാധമായി ഖേദിക്കുന്നു. ഞങ്ങള് കുടുംബത്തോടൊപ്പമുണ്ട്. അവര്ക്ക് സാധ്യമായ എല്ലാ സഹായങ്ങളും നല്കുമെന്നും എയര് ഇന്ത്യ എക്സ്പ്രസ് വക്താവ് പ്രസ്താവനയില് പറഞ്ഞു.
അതേസമയം ആവശ്യത്തിന് വിശ്രമം ലഭിക്കാത്തത് മൂലം പൈലറ്റുമാര്ക്കുണ്ടാകുന്ന ആരോഗ്യ പ്രശ്നങ്ങള് കുറയ്ക്കുന്നതിനായി നേരത്തെ പൈലറ്റുമാരുടെ വിശ്രമം സംബന്ധിച്ച് ഡിജിസിഎ ചില നിര്ദേശങ്ങള് പുറപ്പെടുവിച്ചിരുന്നു. പൈലറ്റുമാരുടെ വിശ്രമസമയം 36 മണിക്കൂറില് നിന്ന് 48 ആക്കി ഉയര്ത്തണമെന്നായിരുന്നു ഡിജിസിഎയുടെ പ്രധാന നിര്ദേശം.
കൂടുതല് വാര്ത്തകള്ക്കും തൊഴില് അവസരങ്ങള്ക്കും ഗള്ഫ് വാര്ത്തകള് ഗ്രൂപ്പില് ജോയിന് ചെയ്യുക- https://chat.whatsapp.com/Iz8594zylUiGUCaltFYrr7
ഗള്ഫ് വാര്ത്തകള് വാട്സ്ആപ്പ് ചാനല് ലിങ്ക്- https://whatsapp.com/channel/0029VagTUieB4hdXiUEnVF1K
