വാരാന്ത്യത്തില്‍ രാത്രികാലങ്ങളില്‍ തണുപ്പ് കൂടുമെന്ന് മുന്നറിയിപ്പ്

ദോഹ: ഖത്തറില്‍ വാരാന്ത്യത്തില്‍ രാത്രികാലങ്ങളില്‍ തണുപ്പിന് സാധ്യതയുണ്ടെന്ന് കാലാവസ്ഥാ കേന്ദ്രം മുന്നറിയിപ്പ് നല്‍കി. പകല്‍ സമയത്ത് നേരിയ കാലാവസ്ഥ അനുഭവപ്പെടും. മറ്റന്നാള്‍, ഫെബ്രുവരി 22 ശനിയാഴ്ച ദൃശ്യപരത കുറവായിരിക്കുമെന്നും അതോറിറ്റി അറിയിച്ചു. വാരാന്ത്യത്തിലെ കുറഞ്ഞ താപനില 15 ഡിഗ്രി സെല്‍ഷ്യസും കൂടിയ താപനില 24 ഡിഗ്രി സെല്‍ഷ്യസും ആയിരിക്കും.

നാളെ, വെള്ളിയാഴ്ച, പ്രധാനമായും വടക്കുപടിഞ്ഞാറന്‍ ദിശയില്‍ 5-15KT വേഗതയില്‍ കാറ്റ് വീശും. അതേസമയം, ശനിയാഴ്ച കാറ്റ് വടക്കുപടിഞ്ഞാറ് മുതല്‍ വടക്കുകിഴക്ക് ദിശയില്‍ 5-15KT വരെയായിരിക്കും. രണ്ട് ദിവസങ്ങളിലും കടല്‍ 2-4അടി വരെ ഉയരാനും സാധ്യതയുണ്ട്.

കൂടുതല്‍ വാര്‍ത്തകള്‍ക്കും തൊഴില്‍ അവസരങ്ങള്‍ക്കും ഗള്‍ഫ് മലയാളി ഓണ്‍ലൈന്‍
ഗ്രൂപ്പില്‍ ജോയിന്‍ ചെയ്യുക- https://chat.whatsapp.com/Iz8594zylUiGUCaltFYrr7
ഗള്‍ഫ് മലയാളി ഓണ്‍ലൈന്‍ വാട്‌സ്ആപ്പ് ചാനല്‍ ലിങ്ക്- https://whatsapp.com/channel/0029VagTUieB4hdXiUEnVF1K