ടെഹ്റാന്: യെമനിലെ ജയിലില് കഴിയുന്ന മലയാളി നഴ്സ് നിമിഷ പ്രിയയുടെ മോചനത്തില് ഹൂതി വിമത ഗ്രൂപ്പ് പ്രതിനിധിയുമായി ഇറാന് ചര്ച്ച നടത്തി. ഹൂതി നേതാവ് അബ്ദുല് സലാമുമായി ഇറാന് വിദേശകാര്യമന്ത്രി അബ്ബാസ് അരാഗ്ച്ചിയാണ് സംസാരിച്ചത്. ഇന്ത്യന് വിദേശകാര്യ മന്ത്രി എസ്.ജയശങ്കറുമായി മസ്കത്തില് നടന്ന കൂടിക്കാഴ്ചയ്ക്ക് ശഷമാണ് ഹൂതി വിമത ഗ്രൂപ്പ് പ്രതിനിധിയുമായി ഇറാന് ചര്ച്ച നടത്തിയത്. നിമിഷപ്രിയയുടെ മോചനവുമായി ബന്ധപ്പെട്ട് യെമനുമായി ചര്ച്ചകള് നടക്കുന്നുണ്ടെന്ന് നേരത്തെ ഇറാന് വിദേശകാര്യ മന്ത്രി അറിയിച്ചിരുന്നു.
നിമിഷ പ്രിയയുടെ മോചനം കഴിഞ്ഞ ദിവസം രാജ്യസഭയിലും ചര്ച്ചയായിരുന്നു. നിമിഷപ്രിയയുടെ കുടുംബത്തിന്റെ ആവശ്യപ്രകാരം വിദേശകാര്യ മന്ത്രാലയത്തിന്റെ അക്കൗണ്ടിലൂടെ 40,000 ഡോളര് കൊല്ലപ്പെട്ടയാളുടെ കുടുംബത്തിന് കൈമാറിയെന്നും ഇനിയുള്ള നടപടികള്ക്കായി നിമിഷപ്രിയയുടെ കുടുംബവും കൊല്ലപ്പെട്ടയാളുടെ കുടുംബവും തമ്മില് ചര്ച്ച തുടരുകയാണെന്നും കേന്ദ്ര മന്ത്രി കീര്ത്തിവര്ധന് സിംഗ് മറുപടി നല്കിയിരുന്നു. എന്നാല് മോചനം സാധ്യമാക്കാന് രണ്ട് കുടുംബങ്ങള്ക്കുമിടയില് നടക്കുന്ന ചര്ച്ച വിജയിക്കേണ്ടതുണ്ടെന്നും മന്ത്രി പറഞ്ഞു. 217 ജൂലൈയില് അറസ്റ്റിലായ നിമിഷ പ്രിയയ്ക്ക് 2020ലാണ് വധശിക്ഷ വിധിച്ചത്.
കൂടുതല് വാര്ത്തകള്ക്കും തൊഴില് അവസരങ്ങള്ക്കും ഗള്ഫ് വാര്ത്തകള് ഗ്രൂപ്പില് ജോയിന് ചെയ്യുക- https://chat.whatsapp.com/Iz8594zylUiGUCaltFYrr7
ഗള്ഫ് വാര്ത്തകള് വാട്സ്ആപ്പ് ചാനല് ലിങ്ക്- https://whatsapp.com/channel/0029VagTUieB4hdXiUEnVF1K
