ഡല്ഹി: ബലാത്സംഗ കേസില് നടന് സിദ്ദിഖിന് ഇടക്കാല ആശ്വാസം. രണ്ടാഴ്ചത്തേക്ക് അറസ്റ്റ് തടഞ്ഞ് സുപ്രീം കോടതി ഉത്തരവിട്ടു. വിചാരണക്കോടതിയുടെ നിബന്ധനകള്ക്ക് വിധേയമായാണ് അറസ്റ്റ് തടഞ്ഞത്. പരാതി നല്കാന് കാലതാമസമുണ്ടായെന്ന വാദം കണക്കിലെടുത്ത കോടതി സംസ്ഥാനം എട്ട് വര്ഷമായി എന്ത് ചെയ്യുകയായിരുന്നുവെന്നും ചോദിച്ചു. രണ്ടാഴ്ചക്ക് ശേഷം കേസ് വീണ്ടും പരിഗണിക്കുമെന്നും അന്വേഷണത്തോട് സിദ്ദിഖ് സഹകരിക്കണമെന്നും കോടതി വ്യക്തമാക്കി. മുതിര്ന്ന അഭിഭാഷകന് മുകുള് റോത്തഗിയാണ് സിദ്ദിഖിനായി ഹാജരായത്.
സിനിമയില് മാത്രമല്ല ഇതൊക്കെ നടക്കുന്നതെന്നും സുപ്രീംകോടതി ചൂണ്ടിക്കാട്ടി. ജസ്റ്റിസ് ബേല എം ത്രിവേദി, സതീഷ് ചന്ദ്ര ശര്മ്മ എന്നിവര് അടങ്ങിയ ബെഞ്ചാണ് ഹര്ജി പരിഗണിച്ചത്. 62-ാമത്തെ കേസായാണ് ഹര്ജി പരിഗണനയ്ക്ക് എത്തിയത്. അതേസമയം, ഹേമ കമ്മിറ്റി റിപ്പോര്ട്ട് വന്ന സാഹചര്യത്തിലാണ് ഇപ്പോള് പരാതി നല്കിയതെന്ന് സംസ്ഥാനവും അതിജീവിതയും കോടതിയില് വ്യക്തമാക്കി. അഡീഷണല് സോളിസിറ്റര് ജനറല് ഐശ്വര്യ ഭാട്ടി സംസ്ഥാനത്തിനായി ഹാജരായി. അതേസമയം സിദ്ദിഖിന്റെ അറസ്റ്റ് തടഞ്ഞ കോടതി നടപടിക്ക് പിന്നാലെ ചിലര് കൊച്ചിയിലെ സിദ്ദിഖിന്റെ വീടിന് മുന്നില് ലഡുവിതരണം നടത്തി.
കൂടുതൽ ജിസിസി വാർത്തകൾക്കും തൊഴിൽ അവസരങ്ങൾക്കും ഗൾഫ് വാർത്തകൾ ഗ്രൂപ്പിൽ ജോയിൻ ചെയ്യുക-https://chat.whatsapp.com/DEUubIBAkhI9HFrIvyQtal
ഗൾഫ് വാർത്തകൾ വാട്സ്ആപ്പ് ചാനൽ ലിങ്ക്-https://whatsapp.com/channel/0029VagTUieB4hdXiUEnVF1K
