തിരുവനന്തപുരം : ഇന്ത്യയിൽ ആദ്യമായി എം പോക്സ് 1 ബി വകഭേദം സ്ഥിരീകരിച്ചു. കേരളത്തിൽ മലപ്പുറം ജില്ലയിലാണ് രോഗം സ്ഥിരീകരിച്ചത്. മലപ്പുറം മഞ്ചേരി മെഡിക്കൽ കോളജിൽ ചികിത്സയിലുള്ള എടവണ്ണ വെസ്റ്റ് ചാത്തല്ലൂർ സ്വദേശിക്കാണു രോഗം സ്ഥിരീകരിച്ചത്.
കഴിഞ്ഞ 16 മുതൽ ചികിത്സയിലുള്ള 38കാരനായ യുവാവിന്റെ സാംപിളുകളുടെ പരിശോധനാ ഫലം വന്നപ്പോഴാണു 1 ബി വകഭേദമാണെന്നു തിരിച്ചറിഞ്ഞത്. അതിതീവ്ര വ്യാപന ശേഷിയുള്ളതാണു 1 ബി വകഭേദം. ചില ആഫ്രിക്കൻ രാജ്യങ്ങളിൽ നിലവിൽ പടർന്നു പിടിക്കുന്നത് എംപോക്സിന്റെ ഈ വകഭേദമാണ്.
ഇന്ത്യയിൽ ഇതുവരെ കണ്ടെത്തിയിരുന്നതു എംപോക്സ് 2 വകഭേദമായിരുന്നു. യുഎഇയിൽ നിന്നു പനിയുമായി നാട്ടിൽ മടങ്ങിയെത്തിയ യുവാവിനു ഇവിടെ നടത്തിയ പരിശോധനയിലാണ് എംപോക്സ് സ്ഥിരീകരിച്ചത്.
കൂടുതൽ ഗൾഫ് വാർത്തകൾക്കും തൊഴിലവസരങ്ങൾക്കും ഗൾഫ് വാർത്തകൾ ഗ്രൂപ്പിൽ ജോയിൻ ചെയ്യുക https://chat.whatsapp.com/DEUubIBAkhI9HFrIvyQtal
ഗൾഫ് വാർത്തകൾ വാട്സ്ആപ്പ് ചാനൽ ലിങ്ക് https://whatsapp.com/channel/0029VagTUieB4hdXiUEnVF1K
