ഡല്ഹി: യെമനില് വധശിക്ഷക്ക് വിധിക്കപ്പെട്ട് ജയിലില് കഴിയുന്ന നിമിഷപ്രിയക്ക് മാപ്പ് നല്കില്ലെന്ന് കൊല്ലപ്പെട്ട തലാലിന്റെ സഹോദരന്. ഒരു ഒത്തു തീര്പ്പിനും ഇല്ലെന്നും ദയാധനം വേണ്ടെന്നും തലാലിന്റെ സഹോദരന് പറഞ്ഞതായാണ് റിപ്പോര്ട്ട്. അതേസമയം കുടുംബത്തിലെ മറ്റ് പലരും നിമിഷ പ്രിയക്ക് മാപ്പ് നല്കണമെന്ന നിലപാടിലാണെന്നും റിപ്പോര്ട്ടുകളുണ്ട്. നിമിഷപ്രിയയുടെ കേസില് ദൈവനീതി നടപ്പാകണമെന്ന് തലാലിന്റെ സഹോദരന് ബിബിസിയോട് പ്രതികരിച്ചിരുന്നതായും റിപ്പോര്ട്ടുണ്ട്.
അതേസമയം നിമിഷപ്രിയയുടെ കാര്യത്തില് തലാലിന്റെ ബന്ധുക്കള്ക്കിടയില് അഭിപ്രായ ഐക്യം ആയിട്ടില്ല. അതുകൊണ്ടുതന്നെ ഇനിയും ചര്ച്ച വേണ്ടി വരുമെന്നാണ് പ്രതിനിധികള് പറയുന്നത്. സഹോദരനെ അടക്കം അനിനയിപ്പിക്കാനുള്ള ഊര്ജ്ജിത ശ്രമം തുടരുകയാണ്. അനുനയശ്രമം തുടരുമെന്ന് സൂചിപ്പിച്ച് കേന്ദ്രസര്ക്കാരും രംഗത്തെത്തിയിട്ടുണ്ട്. നിമിഷ പ്രിയയുടെ കാര്യത്തില് തുടര്ന്നും ഇടപെടല് നടത്തും എന്ന് കാന്തപുരവും വ്യക്തമാക്കിയിട്ടുണ്ട്.
ഇന്നലെയാണ് നിമിഷ പ്രിയയുടെ വധശിക്ഷ നീട്ടുവച്ചുകൊണ്ട് കോടതി ഉത്തരവിട്ടത്. ഇനി ഒരു അറിയിപ്പ് ഉണ്ടാകും വരെ വധശിക്ഷ നിര്ത്തി വച്ചിരിക്കുന്നു എന്നാണ് വിധിപകര്പ്പില് ഉള്ളത്. എന്നാല് കേസ് ഇനി എന്ന് പരിഗണിക്കും എന്നും ഉത്തരവില് ഇല്ല.
കൂടുതല് വാര്ത്തകള്ക്കും തൊഴിലവസരങ്ങള്ക്കും ഗള്ഫ് വാര്ത്തകള് ഗ്രൂപ്പില് ജോയിന് ചെയ്യുക – https://chat.whatsapp.com/DEUubIBAkhI9HFrIvyQtal
വാട്സ്ആപ്പ് ചാനല് ലിങ്ക്- https://whatsapp.com/channel/0029VagTUieB4hdXiUEnVF1K
