ബെംഗളൂരു: ഐപിഎല് കിരീടം നേടിയ റോയല് ചലഞ്ചേഴ്സ് ബെംഗളൂരു ടീമിന്റെ സ്വീകരണ പരിപാടിക്കിടെ വന് ദുരന്തം. ചിന്നസ്വാമി സ്റ്റേഡിയത്തിന് സമീപമുണ്ടായ തിക്കിലും തിരക്കിലും പെട്ട് 11 പേര് മരിച്ചു. നിരവധി പേര്ക്ക് പരിക്കേറ്റതായാണ് വിവരം.
15ഓളം പേര് ആശുപത്രിയില് ചികിത്സ തേടിയിട്ടുണ്ട്. പരിക്കേറ്റവരെ ബൗറിംഗ് ആശുപത്രിയിലും ലേഡി കഴ്സണ് ആശുപത്രിയിലും പ്രവേശിപ്പിച്ചു. ഇവരില് മൂന്ന് പേരുടെ നില ഗുരുതരമാണെന്നാണ് ലഭിക്കുന്ന വിവരം. മരിച്ചവരില് ഒരു സ്ത്രീയുമുണ്ടെന്നും റിപ്പോര്ട്ടുണ്ട്.
ഇത്ര പെട്ടെന്ന് ബെംഗളൂരു പോലെയൊരു നഗരത്തില് വിജയാഘോഷം സംഘടിപ്പിച്ചത് ഗുരുതര സുരക്ഷാ വീഴ്ചയായെന്നാണ് വിലയിരുത്തല്. അപകട സാധ്യത മുന്നില് കണ്ട് പൊലീസ് ആദ്യം പരിപാടിക്ക് അനുമതി നിഷേധിച്ചിരുന്നെങ്കിലും പിന്നീട് കര്ണാടക ക്രിക്കറ്റ് അസോസിയേഷന്റെ ഇടപെടലിനെ തുടര്ന്ന് പരിപാടി നടത്താന് തീരുമാനിക്കുയായിരുന്നു എന്നാണ് റിപ്പോര്ട്ട്. ആളുകള് സ്റ്റേഡിയത്തിലേയ്ക്ക് ഇരച്ചുകയറാന് ശ്രമിച്ചതാണ് വലിയ ദുരന്തത്തില് കലാശിച്ചത്.
കൂടുതൽ വാർത്തകൾക്കും തൊഴിലവസരങ്ങൾക്കും ഗൾഫ് വാർത്തകൾ ഗ്രൂപ്പിൽ ജോയിൻ ചെയ്യുക –https://chat.whatsapp.com/DEUubIBAkhI9HFrIvyQtal
വാട്സ്ആപ്പ് ചാനൽ ലിങ്ക്-https://whatsapp.com/channel/0029VagTUieB4hdXiUEnVF1K
