ദോഹ: സ്വകാര്യ മേഖലയിലെ തൊഴിലാളികള്ക്ക് തൊഴിലിടങ്ങളില് സുരക്ഷ ഒരുക്കാന് നിര്ദേശിച്ച് ഖത്തര് തൊഴില് മന്ത്രാലയം. സുരക്ഷിതമായ മേഖലകള് തിരിച്ചറിഞ്ഞ് അതനുസരിച്ച് തൊഴിലാളികള്ക്ക് സുരക്ഷിതമായ തൊഴില് അന്തരീക്ഷം ഉറപ്പാക്കാനുള്ള മാര്ഗനിര്ദേശങ്ങള് നല്കണമെന്നും തൊഴിലുടമകളോട് മന്ത്രാലയം ആവശ്യപ്പെട്ടു.
എല്ലാ ജീവനക്കാര്ക്കും സുരക്ഷിതമായ തൊഴില് അന്തരീക്ഷം നിലനിര്ത്തേണ്ടതിന്റെ പ്രാധാന്യത്തെക്കുറിച്ചും മന്ത്രാലയം വ്യക്തമാക്കി. നടപടികളുടെ ഭാഗമായി ജോലിയുടെ സ്വഭാവം അനുസരിച്ച് റിമോട്ട് വര്ക്ക്/ വര്ക്ക് ഫ്രം ഹോം സംവിധാനമൊരുക്കണമെന്നും മന്ത്രാലയം തൊഴിലുടമകളോട് അഭ്യര്ത്ഥിച്ചു.
ഉചിതമായ സ്ഥലങ്ങളില് ഷിഫ്റ്റ്, പൊരുത്തപ്പെടുത്താവുന്ന ജോലി സമയം എന്നിവ ഉള്പ്പെടെയുള്ളവ ശ്രദ്ധിക്കണം. സ്വകാര്യ സ്ഥാപനങ്ങള് തൊഴില് കരാറുകളിലും തൊഴില് നിയമനിര്മ്മാണത്തിലും പറഞ്ഞിരിക്കുന്ന വ്യവസ്ഥകള് പൂര്ണ്ണമായും പാലിക്കണമെന്നും തൊഴില് മന്ത്രാലയം ചൂണ്ടിക്കാട്ടി.
തൊഴിലാളികളുടെ താമസസ്ഥലങ്ങളിലെ സുരക്ഷാ നടപടികള് പാലിക്കുന്നതിന്, താമസ സൗകര്യങ്ങള്ക്കുള്ളില് സുരക്ഷിത മേഖലകള് നിശ്ചയിക്കുകയും എമര്ജന്സി എക്സിറ്റുകളും എല്ലായ്പ്പോഴും തടസ്സങ്ങളില്ലാതെ ഉറപ്പാക്കുന്നതിലും ശ്രദ്ധവേണമെന്നും മന്ത്രാലയം ചൂണ്ടിക്കാട്ടി.
കൂടുതല് വാര്ത്തകള്ക്കും തൊഴിലവസരങ്ങള്ക്കും ഗള്ഫ് മലയാളി വാര്ത്താ ഗ്രൂപ്പില് ജോയിന് ചെയ്യുക – https://chat.whatsapp.com/BEtoiocklOc8D5XDkdaHoR?mode=hq2tcla
വാട്സ്ആപ്പ് ചാനല് ലിങ്ക്- https://whatsapp.com/channel/0029VagTUieB4hdXiUEnVF1K
