പത്തനംതിട്ട: ദുല്ഖര് സല്മാന് വീണ്ടും നിയമക്കുരുക്ക്. ഡിസംബര് മൂന്നിന് ഉപഭോക്തൃ തര്ക്ക പരിഹാര കമ്മീഷനില് ഹാജരാകാന് നടന് ദുല്ഖര് ദുല്ഖര് സല്മാന് നോട്ടീസ്. പത്തനംതിട്ട ഉപഭോക്തൃ തര്ക്ക പരിഹാര കമ്മീഷനാണ് നോട്ടീസ് അയച്ചത്. റോസ് ബ്രാന്ഡ് ബിരിയാണി അരിയുമായി ബന്ധപ്പെട്ട പരാതിയിലാണ് നടപടി. റോസ് ബ്രാന്ഡ് ബിരിയാണി റൈസിന്റെ ബ്രാന്ഡ് അംബാസിഡറാണ് ദുല്ഖര് സല്മാന്.
കാറ്ററിംഗ് കരാറുകാരനായ പത്തനംതിട്ട വള്ളിക്കോട് സ്വദേശി പി എന് ജയരാജന് ഫയല് ചെയ്ത ഹര്ജിയിലാണ് കമ്മീഷന് നോട്ടീസ് അയച്ചത്. വാങ്ങിയ 50 കിലോ റോസ് ബ്രാന്ഡ് ബിരിയാണി റൈസ് ചാക്കില് പാക്കിംഗ് തീയതിയും എക്സ്പയറി തീയതിയും ഉണ്ടായിരുന്നില്ല. ഈ അരി ഉപയോഗിച്ച് ഉണ്ടാക്കിയ ബിരിയാണി റൈസും ചിക്കന് കറിയും കഴിച്ചവര്ക്ക് ഭക്ഷ്യവിഷബാധ ഉണ്ടായതായാണ് പരാതി. റോസ് ബ്രാന്ഡ് ബിരിയാണി റൈസ് മാനേജിങ് ഡയറക്ടറും കമ്മീഷനില് ഹാജരാകണം.
കൂടുതല് വാര്ത്തകള്ക്കും തൊഴിലവസരങ്ങള്ക്കും ഗള്ഫ് മലയാളി വാര്ത്താ ഗ്രൂപ്പില് ജോയിന് ചെയ്യുക – https://chat.whatsapp.com/DEUubIBAkhI9HFrIvyQtal
വാട്സ്ആപ്പ് ചാനല് ലിങ്ക്- https://whatsapp.com/channel/0029VagTUieB4hdXiUEnVF1K
