യെമന്: യെമനില് ജയിലില് കഴിയുന്ന മലയാളി നഴ്സ് നിമിഷ പ്രിയയുടെ വധശിക്ഷ നടപ്പാക്കാന് ആവശ്യപ്പെട്ട് കൊല്ലപ്പെട്ട തലാലിന്റെ സഹോദരന്. ശിക്ഷ നടപ്പാക്കുന്നതിന് പുതിയ തീയതി തേടി പ്രോസിക്യൂഷന് തലാലിന്റെ സഹോദരന്റെ കത്ത് അയച്ചു. എല്ലാത്തരം മധ്യസ്ഥ ശ്രമങ്ങളെയും ചര്ച്ചകളെയും തള്ളുന്നുവെന്നും സഹോദരന് കത്തില് പറയുന്നു.
വധശിക്ഷ നീട്ടിവെച്ചിട്ട് ഒന്നര മാസം കഴിഞ്ഞെന്നും കത്തില് ഓര്മ്മപ്പെടുത്തുന്നു. ശിക്ഷ നടപ്പാക്കുന്നത് ജൂലൈ 16ന് മാറ്റിയിരുന്നു. ഇതിന് ശേഷം അയക്കുന്ന രണ്ടാമത്തെ കത്താണിത്.
2017 ജൂലൈ 25ന് യെമനില് നഴ്സായി ജോലി ചെയ്യുന്നതിനിടെ സ്വന്തമായി ക്ലിനിക് തുടങ്ങാന് സഹായ വാഗ്ദാനവുമായി വന്ന യെമന് പൌരന് തലാല് അബ്ദുമഹദിയെയാണ് നിമിഷ പ്രിയ കൊലപ്പെടുത്തിയത്. നിമിഷ പ്രിയയുടെ പാസ്പോര്ട്ട് പിടിച്ചെടുത്ത് നടത്തിയ ക്രൂര പീഡനമാണ് കൊലപാതകത്തിലേക്ക് നയിച്ചതെന്നായിരുന്നു നിമിഷ പറഞ്ഞത്. തലാലിന് അമിത ഡോസ് മരുന്നു കുത്തിവച്ചാണ് കൊലപ്പെടുത്തിയത്. തുടര്ന്ന് മൃതദേഹം വീടിനുമുകളിലെ ജലസംഭരണിയില് ഒളിപ്പിക്കുകയായിരുന്നു.
കൂടുതല് വാര്ത്തകള്ക്കും തൊഴിലവസരങ്ങള്ക്കും ഗള്ഫ് മലയാളി വാര്ത്താ ഗ്രൂപ്പില് ജോയിന് ചെയ്യുക – https://chat.whatsapp.com/DEUubIBAkhI9HFrIvyQtal
വാട്സ്ആപ്പ് ചാനല് ലിങ്ക്- https://whatsapp.com/channel/0029VagTUieB4hdXiUEnVF1K
