തിരുവനന്തപുരം: വെഞ്ഞാറമൂട് കൂട്ടകൊലകേസ് പ്രതി അഫാന് പൂജപ്പുര ജയിലില് ആത്മഹത്യക്ക് ശ്രമിച്ചു. ഉണക്കാന് ഇട്ടിരുന്ന മുണ്ട് ഉപയോഗിച്ച് ശുചിമുറിയില് ജീവനൊടുക്കാന് ശ്രമിക്കുകയായിരുന്നു. ഡ്യൂട്ടി ഉദ്യോഗസ്ഥന് ശബ്ദം കേട്ട് നോക്കിയപ്പോഴാണ് അഫാന് ശുചിമുറിയില് തൂങ്ങിയത് കണ്ടു. ഉടന് മെഡിക്കല് കോളജ് ആശുപത്രിയിലേക്ക് എത്തിച്ചു. നിലവില് തീവ്രപരിചരണ വിഭാഗത്തില് ചികിത്സയിലാണ്. ഒപ്പമുണ്ടായിരുന്ന തടവുകാരന് ഫോണ് ചെയ്യാന് പോയ സമയത്തായിരുന്നു ആത്മഹത്യാ ശ്രമം.
സഹോദരന് അഹ്സാന്, പെണ്സുഹൃത്ത് ഫര്സാന, പിതൃ സഹോദരന് ലത്തീഫ്, ഭാര്യ സാജിദ, പിതൃ മാതാവ് സല്മ ബീവി എന്നീ അഞ്ച് പേരെ കൂട്ടക്കൊല ചെയ്ത കേസിലെ പ്രതിയാണ് അഫാന്. നിലവില് പൂജപ്പുര ജയിലില് വിചാരണത്തടവുകാരനാണ്. 23 വയസ്സ് മാത്രം പ്രായമുള്ള അഫാന്റേത് അസാധാരണമായ പെരുമാറ്റമെന്നായിരുന്നു കൊലപാതകത്തിന് ശേഷം അഫാനോട് സംസാരിച്ച പൊലീസിന്റെയും പരിശോധിച്ച ഡോക്ടര്മാരുടെയും വിലയിരുത്തല്. താനും ജീവനൊടുക്കുമെന്ന് അഫാന് നേരത്തെ ചോദ്യം ചെയ്യല് വേളയില് പറഞ്ഞിരുന്നു. ഈ സാഹചര്യത്തില് അഫാനെ ജയലിലില് പ്രത്യേക നിരീക്ഷണമുള്ള യുടിബി ബ്ലോക്കില് മറ്റൊരു തടവുകാരനൊപ്പമായിരുന്നു താമസിപ്പിച്ചിരുന്നത്.
കൂടുതല് വാര്ത്തകള്ക്കും തൊഴിലവസരങ്ങള്ക്കും ഗള്ഫ് വാര്ത്തകള് ഗ്രൂപ്പില് ജോയിന് ചെയ്യുക – https://chat.whatsapp.com/DEUubIBAkhI9HFrIvyQtal
വാട്സ്ആപ്പ് ചാനല് ലിങ്ക്- https://whatsapp.com/channel/0029VagTUieB4hdXiUEnVF1K
