ദോഹ: ഖത്തറിലെ ഇന്ത്യന് എംബസിയുടെ ആഭിമുഖ്യത്തില് പ്രവര്ത്തിക്കുന്ന ഇന്ത്യന് കമ്മ്യൂണിറ്റി ബെനവലന്റ് ഫോറം (ICBF) മെയ് 23 വെള്ളിയാഴ്ച പ്രവാസികള്ക്കായി 51-ാമത് സൗജന്യ മെഡിക്കല് ക്യാമ്പ് സംഘടിപ്പിക്കും. മിസൈമീറിലെ കിംസ് ഹെല്ത്തില് രാവിലെ 8 മുതല് 11 വരെ ക്യാമ്പ് നടക്കും. താഴ്ന്ന വരുമാനമുള്ള പ്രവാസികളായ തൊഴിലാളികള്ക്കും പരിമിതമായ മെഡിക്കല് സൗകര്യമുള്ളവര്ക്കും അവശ്യ ആരോഗ്യ സേവനങ്ങള് നല്കുകയെന്ന ലക്ഷ്യത്തോടെയാണ് ക്യാമ്പ് സംഘടിപ്പിക്കുന്നത്.
ജനറല് മെഡിസിന്, കാര്ഡിയോളജി, ഡെര്മറ്റോളജി, ഓര്ത്തോപീഡിക്സ്, ഇഎന്ടി, ഡെന്റല് കെയര്, ഫിസിയോതെറാപ്പി എന്നിവയുള്പ്പെടെ വിവിധ മെഡിക്കല് സ്പെഷ്യാലിറ്റികളില് സൗജന്യ കണ്സള്ട്ടേഷനുകള് നല്കും. കിംസ് ഹെല്ത്തിലെ പരിചയസമ്പന്നരായ ഡോക്ടര്മാരും ആരോഗ്യ സംരക്ഷണ വിദഗ്ധരും ക്യാമ്പില് വ്യക്തിഗത കണ്സള്ട്ടേഷനുകള് നല്കും.
കണ്സള്ട്ടേഷന് സേവനങ്ങള്ക്ക് പുറമേ, അടിസ്ഥാന രക്തപരിശോധനകള്, BMI പരിശോധനകള്, ഫാര്മസി സേവനങ്ങള്, അടിസ്ഥാന ലൈഫ് സപ്പോര്ട്ടിനെക്കുറിച്ചുള്ള അവബോധ സെഷനുകള് എന്നിവയും ക്യാമ്പില് ഉണ്ടായിരിക്കും. ICBF ലൈഫ് ഇന്ഷുറന്സ് പദ്ധതികളെക്കുറിച്ചുള്ള വിവരങ്ങളും സഹായവും നല്കുന്നതിനായി ഒരു പ്രത്യേക ഡെസ്കും സജ്ജീകരിക്കും.
കൂടുതല് വാര്ത്തകള്ക്കും തൊഴിലവസരങ്ങള്ക്കും ഗള്ഫ് വാര്ത്തകള് ഗ്രൂപ്പില് ജോയിന് ചെയ്യുക- https://chat.whatsapp.com/DEUubIBAkhI9HFrIvyQtal
വാട്സ്ആപ്പ് ചാനല് ലിങ്ക്- https://whatsapp.com/channel/0029VagTUieB4hdXiUEnVF1K
