മുംബൈ: അമേരിക്കന് പ്രസിഡന്റ് ഡോണള്ഡ് ട്രംപിന്റെ പുതിയ തീരുവ പ്രഖ്യാപനത്തിന് പിന്നാലെ തകര്ന്നടിഞ്ഞ് ഇന്ത്യന് വിപണി. സെന്സെക്സ് ഒറ്റയടിക്ക് മൂവായിരം പോയിന്റും നിഫ്റ്റി ആയിരം പോയിന്റും ഇടിഞ്ഞു. ഇന്ത്യന് വിപണിക്ക് മാത്രമല്ല ഏഷ്യന് വിപണിക്ക് മൊത്തത്തില് വലിയ തിരിച്ചടിയാണ് ട്രംപിന്റെ തീരുവ യുദ്ധത്തിലുണ്ടായിരിക്കുന്നത്. ജപ്പാന്, ഹോങ്കോങ് സൂചികകള് ഒന്പത് ശതമാനം താഴ്ന്നു. ജാപ്പനീസ് കാര് കമ്പനികളുടെ മൂല്യം കൂപ്പുകുത്തി.
മുന് നിര കമ്പനികളുടെ ഓഹരി മൂല്യത്തില് 19.4 ലക്ഷം കോടി രൂപയുടെ വരെ കുറവുണ്ടായി. രൂപയുടെ മൂല്യവും ഇടിഞ്ഞു. 50 പൈസയാണ് ഇന്ന് വിനിമയം തുടങ്ങിയ ശേഷം മാത്രം ഇടിഞ്ഞത്. ഒരു ഡോളറിന് 84 രൂപ 64 പൈസ എന്ന നിരക്കിലാണ് വിനിമയം നടക്കുന്നത്. ട്രംപിന്റെ തീരുവ യുദ്ധത്തിന് പിന്നാലെ ചൈന, അമേരിക്കന് ഉത്പന്നങ്ങള്ക്കുള്ള ഇറക്കുമതി തീരുവ ഉയര്ത്തിയതോടെ ലോകം വ്യാപാര യുദ്ധത്തിലേക്കെന്ന ഭീതിയാണ് വിപണിയില് ദൃശ്യമാകുന്നത്. ഇതാണ് ഓഹരി വിപണികള് കൂപ്പുകുത്താന് കാരണം. ആഗോള സാമ്പത്തിക മാന്ദ്യത്തിന് തന്നെ ഇത് കാരണമാകുമോയെന്ന ആശങ്കയാണ് വിദഗ്ധര് പങ്കുവയ്ക്കുന്നത്.
കൂടുതല് വാര്ത്തകള്ക്കും തൊഴില് അവസരങ്ങള്ക്കും ഗള്ഫ് വാര്ത്തകള് ഗ്രൂപ്പില് ജോയിന് ചെയ്യുക- https://chat.whatsapp.com/Iz8594zylUiGUCaltFYrr7
ഗള്ഫ് വാര്ത്തകള് വാട്സ്ആപ്പ് ചാനല് ലിങ്ക്- https://whatsapp.com/channel/0029VagTUieB4hdXiUEnVF1K
