മലപ്പുറം: മലപ്പുറത്ത് വീട്ടില് പ്രസവിച്ച യുവതി മരിച്ചു. ചട്ടിപ്പറമ്പില് സ്വദേശിനി അസ്മയാണ് മരിച്ചത്. അഞ്ചാമത്തെ പ്രസവത്തിലാണ് മരണം. മരണം സംഭിവച്ചതിന് പിന്നാലെ ഭര്ത്താവ് സിറാജുദ്ദീന് ഇന്ന് രാവിലെ മൃതദേഹം പെരുമ്പാവൂരിലെ വീട്ടിലെത്തിച്ചു.
അതേസമയം സംഭവത്തില് അസ്വാഭാവിക മരണത്തിന് പൊലീസ് കേസെടുത്തു. ഇന്നലെ വൈകിട്ട് 6 മണിക്കാണ് വീട്ടില് പ്രസവം നടന്നത്. യുവതി മരിച്ചു എന്നറിഞ്ഞത് ഒന്പതു മണിക്കുമായിരുന്നു. യുവതി മരിച്ചു എന്ന് പിന്നീട് ഭര്ത്താവ് വീട്ടുകാരെ വിളിച്ചറിയിച്ചു. തുടര്ന്ന് മൃതദേഹവുമായി വീട്ടിലെത്തിയപ്പോള് പൊലീസ് എത്തി ആശുപത്രിയിലേക്ക് മാറ്റുകയായിരുന്നു. ഇന്ക്വസ്റ്റ് നടപടികള് പുരോഗമിക്കുകയാണ്. പോസ്റ്റുമോര്ട്ടത്തിനുശേഷം തുടര്നടപടികളുണ്ടാവുമെന്ന് പൊലീസ് വ്യക്തമാക്കിയിട്ടുണ്ട്.
എന്നാല് ആംബുലന്സ് ഡ്രൈവറോട് സിറാജ് യുവതിക്ക് ശ്വാസംമുട്ടല് ആണെന്നാണ് പറഞ്ഞതെന്നും പുറത്തുവരുന്നുണ്ട്. സിറാജുദ്ദീനെ യുവതിയുടെ ബന്ധുക്കള് കയ്യേറ്റം ചെയ്തിട്ടുണ്ടെന്നാണ് വിവരം. സിറാജുദ്ദീന് ഇപ്പോള് ആശുപത്രിയില് ചികിത്സയില് കഴിയുകയാണ്. ഇന്നലെയാണ് നാടിനെ നടുക്കിയ സംഭവം ഉണ്ടായത്.
പ്രസവ വേദന ഉണ്ടായിട്ടും യുവതിയെ ആശുപത്രിയില് കൊണ്ടു പോയില്ലെന്ന് അസ്മയുടെ വീട്ടുകാര് പൊലീസിനോട് പറഞ്ഞു. യുട്യൂബ് ചാനല് നടത്തുന്ന സിറാജുദ്ദീന് നിരവധി പ്രഭാഷണങ്ങളും നടത്തിയിരുന്നു. പുറം ലോകവുമായി ഇവര്ക്ക് യാതൊരു ബന്ധവുമില്ലെന്നും അഞ്ചാമത്തെ പ്രസവമാണ് അസ്മയുടേതെന്ന് അറിഞ്ഞത് ഇപ്പോഴാണെന്നും നാട്ടുകാര് പറയുന്നു.
കൂടുതല് വാര്ത്തകള്ക്കും തൊഴില് അവസരങ്ങള്ക്കും ഗള്ഫ് വാര്ത്തകള് ഗ്രൂപ്പില് ജോയിന് ചെയ്യുക- https://chat.whatsapp.com/Iz8594zylUiGUCaltFYrr7
ഗള്ഫ് വാര്ത്തകള് വാട്സ്ആപ്പ് ചാനല് ലിങ്ക്- https://whatsapp.com/channel/0029VagTUieB4hdXiUEnVF1K
