കോഴിക്കോട്: നാദാപുരം നിന്ന് വീടുവിട്ടിറങ്ങിയ യുവതിയേയും മക്കളേയും ഡല്ഹിയില് കണ്ടെത്തി. യുവതിയേയും കുട്ടികളേയും നാളെ സ്റ്റേഷനില് ഹാജരാക്കാന് യുവതിയുടെ ഭര്ത്താവ് ചെറുമോത്ത് കുറുങ്ങോട്ട് സക്കീറിനോട് വളയം പൊലീസ് ആവശ്യപ്പെട്ടിട്ടുണ്ട്. കഴിഞ്ഞ ശനിയാഴ്ചയാണ് ഹാഷിദ, മക്കളായ ലുക്മാന്, മെഹ്റ ഫാത്തിമ എന്നിവര് ് വീടുവിട്ടിറങ്ങിയത്. ഇന്നലെ രാത്രിയോടെയാണ് മൂന്ന് പേരേയും ഡല്ഹിയില് കണ്ടെത്തിയത്.
സക്കീറിനൊപ്പം ഖത്തറിലായിരുന്ന മൂന്ന് പേരും ദിവസങ്ങള്ക്ക് മുന്പാണ് നാട്ടിലെത്തിയത്. മക്കള്ക്ക് പെരുന്നാളിനോടനുബന്ധിച്ച് വസ്ത്രം എടുക്കാനുണ്ടെന്ന് പറഞ്ഞാണ് യുവതി വീട്ടില് നിന്നും ഇറങ്ങിയത്. പിന്നീട് കാണാതാവുകയായിരുന്നു. പൊലീസ് നടത്തിയ അന്വേഷണത്തില് ഇവര് ട്രെയിന് മാര്ഗ്ഗം യശ്വന്ത്പൂരിലേക്ക് പോയതായും എടിഎം കൗണ്ടറില് നിന്ന് 10,000 രൂപ പിന്വലിച്ച ശേഷം മറ്റൊരു ട്രെയിനില് ഡല്ഹിയിലേക്ക് തിരിച്ചതായും കണ്ടെത്തി.
ഭാര്യയേയും കുട്ടികളേയും കാണാതായ വിവരം അറിഞ്ഞതിനെ തുടര്ന്ന് ഖത്തറില് നിന്ന് സക്കീര് ഡല്ഹിയില് എത്തി. തുടര്ന്ന് നടത്തിയ തെരച്ചിലില് ഹാഷിദയെയും മക്കളെയും കണ്ടെത്തുകയായിരുന്നു. സക്കീര് തന്നെയാണ് ഇവരെ കണ്ടെത്തിയതായി പൊലീസിനെ വിളിച്ചറിയിച്ചത്. ഡല്ഹിയിലേക്ക് പുറപ്പെടാനിരുന്ന അന്വേഷണ സംഘം ഇതോടെ യാത്ര ഉപേക്ഷിച്ചു.നാളെ പൊലീസ് സ്റ്റേഷനില് ഹാജരായതിന് ശേഷമേ കൂടുതല് വിവരങ്ങള് വ്യക്തമാകൂ എന്ന് പൊലീസ് അറിയിച്ചു.
കൂടുതല് വാര്ത്തകള്ക്കും തൊഴില് അവസരങ്ങള്ക്കും ഗള്ഫ് വാര്ത്തകള് ഗ്രൂപ്പില് ജോയിന് ചെയ്യുക- https://chat.whatsapp.com/Iz8594zylUiGUCaltFYrr7
ഗള്ഫ് വാര്ത്തകള് വാട്സ്ആപ്പ് ചാനല് ലിങ്ക്- https://whatsapp.com/channel/0029VagTUieB4hdXiUEnVF1K
