തിരുവനന്തപുരം: വാഹനത്തിന് പിഴയുണ്ടെന്ന സന്ദേശം അയച്ചുള്ള തട്ടിപ്പിനെക്കുറിച്ച് മുന്നറിയിപ്പുമായി കേരള പൊലീസും എംവിഡിയും. മോട്ടോര് വാഹന വകുപ്പിന്റെ പേരിലാണ് വ്യാജ സന്ദേശം എത്തുക. മെസ്സേജിലെ വാഹന നമ്പറും മറ്റു വിവരങ്ങളും നിങ്ങളുടേത് തന്നെയായിരിക്കും. വരുന്ന സന്ദേശത്തോടോപ്പം പരിവാഹന് എന്ന പേരില് വ്യാജ ആപ്പ് അല്ലെങ്കില് വ്യാജ ലിങ്ക് ഉണ്ടാകും. അതില് ക്ലിക്ക് ചെയ്താല് പണം നഷ്ടപ്പെടുമെന്ന് ഉറപ്പ്. ദയവായി ഇത്തരം സന്ദേശങ്ങളോട് പ്രതികരിക്കരുതെന്നും കേരളാ പൊലീസ് മുന്നറിയിപ്പ് നല്കി.
മോട്ടോര് വാഹന വകുപ്പോ പൊലീസോ സാധാരണയായി വാട്സ് ആപ്പ് നമ്പറിലേക്ക് നിലവില് ചെല്ലാന് വിവരങ്ങള് അയക്കാറില്ല. അത്തരം വിവരങ്ങള് നിങ്ങളുടെ ആര് സി യില് നിലവിലുള്ള മൊബൈല് നമ്പറിലേക്ക് ടെക്സ്റ്റ് മെസേജ് ആയാണ് ഇ ചെലാന് സൈറ്റ് വഴി അയക്കാറുള്ളത്.
ഏതെങ്കിലും സാഹചര്യത്തില് ഇത്തരം മെസേജുകള് വന്നാല് https://echallan.parivahan.gov.in എന്ന സൈറ്റില് കയറി Check Pending transaction എന്ന മെനുവില് നിങ്ങളുടെ വാഹന നമ്പറോ ചെലാന് നമ്പറോ നല്കിയാല് നിങ്ങളുടെ വാഹനത്തിന് ഏതെങ്കിലും പിഴ ഉണ്ടോ എന്ന് അറിയാവുന്നതാണ്. പണം നഷ്ടപ്പെട്ടാല് ഉടനടി (ഒരു മണിക്കൂറിനകം , GOLDEN HOUR) 1930 എന്ന നമ്പറിലേക്ക് ബന്ധപ്പെടുക. എത്രയും നേരത്തെ റിപ്പോര്ട്ട് ചെയ്താല് നഷ്ടപ്പെട്ട തുക തിരികെ കിട്ടാനുള്ള സാധ്യത കൂടുതലാണെന്നും പോലീസ് അറിയിച്ചു.
കൂടുതല് വാര്ത്തകള്ക്കും തൊഴില് അവസരങ്ങള്ക്കും ഗള്ഫ് വാര്ത്തകള് ഗ്രൂപ്പില് ജോയിന് ചെയ്യുക- https://chat.whatsapp.com/Iz8594zylUiGUCaltFYrr7
ഗള്ഫ് വാര്ത്തകള് വാട്സ്ആപ്പ് ചാനല് ലിങ്ക്- https://whatsapp.com/channel/0029VagTUieB4hdXiUEnVF1K
