ഡൽഹി: അനധികൃത കുടിയേറ്റത്തിന്റെ പേരില് യുഎസില് നിന്നും നാടുകടത്തിയ പതിനൊന്ന് ഇന്ത്യക്കാർക്ക് ഇഡി (എൻഫോഴ്സ്മെന്റ് ഡയറക്ടറേറ്റ്) നോട്ടീസ്. ഇന്ത്യയില് നിന്നും ആളുകളെ ഡങ്കി റൂട്ടുകള് വഴി യുഎസിലേക്ക് എത്തിക്കുന്ന ഏജന്റുമാര്ക്ക് എതിരായ അന്വേഷണത്തിന്റെ ഭാഗമായാണ് ഇഡി സമന്സ് അയച്ചത്. പഞ്ചാബ് സ്വദേശികളായ പത്ത് പേര്ക്കും ഒരു ഹരിയാന സ്വദേശിക്കുമാണ് നിലവിൽ ഇ ഡി നോട്ടീസ് അയച്ചത്.
വിവിധ തീയതികളിലായി ഇ ഡിയുടെ ജലന്ധര് ഓഫീസില് ഹാജരാകാനാണ് നിര്ദേശം. കള്ളപ്പണം വെളുപ്പിക്കല് തടയല് നിയമപ്രകാരം നടക്കുന്ന അന്വേഷണത്തിന്റെ ഭാഗമാണ് നടപടി. അനധികൃത കടത്തുമായി ബന്ധപ്പെട്ട് 15 ഏജന്റുമാർക്കെതിരായ കേസിന്റെ ഭാഗമായിട്ടാണ് അന്വേഷണം.
കൂടുതൽ വാർത്തകൾക്കും തൊഴിൽ അവസരങ്ങൾക്കും ഗൾഫ് വാർത്തകൾ ഗ്രൂപ്പിൽ ജോയിൻ ചെയ്യുക-https://chat.whatsapp.com/Iz8594zylUiGUCaltFYrr7
ഗൾഫ് വാർത്തകൾ വാട്സ്ആപ്പ് ചാനൽ ലിങ്ക്-https://whatsapp.com/channel/0029VagTUieB4hdXiUEnVF1K
