മലപ്പുറം: മഞ്ചേരിയില് നടന്ന പൊതുസമ്മേളനത്തില് നയം പ്രഖ്യാപിച്ച് പിവി അന്വര് എംഎല്എ. ഡെമോക്രാറ്റിക്ക് മൂവ്മെന്റ് ഓഫ് കേരള എന്ന പുതിയ സംഘടനയുടെ ഭാഗമായാണ് നയപ്രഖ്യാപനം. ജനാധിപത്യ സോഷ്യലിസ്റ്റ് നയത്തിലൂന്നി ഡെമോക്രാറ്റിക്ക് മൂവ്മെന്റ് ഓഫ് കേരള എന്ന സംഘടന പ്രവര്ത്തിക്കും. പ്രവാസികള്ക്ക് വോട്ടവകാശം ഉറപ്പാക്കാനും ജാതി സെന്സസ് നടത്താനായും പോരാട്ടം നടത്തും. രാഷ്ട്രത്തിന്റെ ഐക്യമാണ് സംഘടനയുടെ ലക്ഷ്യം. മലബാറിനോടുളള അവഗണനയ്ക്ക് എതിരെ പോരാടും. മലപ്പുറം കോഴിക്കോട് ജില്ലകള് വിഭജിച്ച് പതിനഞ്ചാമത്തെ ജില്ല രൂപികരിക്കണമെന്ന ആവശ്യത്തിനായി പോരാടുമെന്നും നയ പ്രഖ്യാപനത്തില് വ്യക്തമാക്കി.
വിദ്യാഭ്യാസ മേഖലയിലും മാറ്റം വേണം. സര്ക്കാര് സ്കൂളുകളിലെ അധ്യാപകര് സ്വന്തം കുട്ടികളെ സര്ക്കാര് സ്കൂളില് പഠിപ്പിക്കുന്നില്ലെങ്കില് അവരുടെ ശമ്പളത്തിന്റെ 20% അതത് സ്കൂളുകളിലെ ബിപിഎല് വിദ്യാര്ഥികള്ക്കായി മാറ്റിവയ്ക്കണം.വിദ്യാഭ്യാസ വായ്പകള് എഴുതിത്തള്ളണം. സംരംഭ സംരക്ഷണ നിയമം നടപ്പിലാക്കണം. പലസ്തീനിനോടുള്ള സമീപനം കേന്ദ്രസര്ക്കാര് തിരുത്തണമെന്ന് ആവശ്യപ്പെട്ട് നിയമസഭയില് പ്രമേയം അവതരിപ്പിക്കണമെന്ന് ആവശ്യപ്പെടും.
വന്യമൃഗശല്യത്തില് മരിക്കുന്നവര്ക്കുള്ള നഷ്ടപരിഹാരം 10 ലക്ഷം രൂപയില് നിന്ന് 50 ലക്ഷം രൂപയായി ഉയര്ത്തണം. മനുഷ്യ മൃഗ സംഘര്ഷവുമായി ബന്ധപ്പെട്ട് കര്ഷകര്ക്കെതിരെ എടുത്ത കേസുകള് പിന്വലിക്കണം. തൊഴിലില്ലായ്മ വേതനം 2000 ആക്കി ഉയര്ത്തണം. മതസ്ഥാപന നിയന്ത്രണം അതത് മതവിശ്വാസികള്ക്ക് അനവദിക്കണം. സ്കൂള് സമയം 8 മുതല് 1 വരെ ആക്കണം. പോലീസിലെ ക്രിമിനലുകളെ ഒഴിവാക്കണം. വയോജന ക്ഷേമത്തിനായി പുതിയ വകുപ്പ് ഉണ്ടാക്കണം തുടങ്ങിയവയാണ് പ്രഖ്യാപനങ്ങള്.
നേരത്തെ ആരോപിച്ച ആരോപണങ്ങളും ഇന്ന് അന്വര് ആവര്ത്തിച്ചു. സ്വര്ണക്കടത്ത്, തൃശൂര് പൂരം കലക്കല്, ഉപതിരഞ്ഞെടുപ്പ് ഉള്പ്പെടെയുള്ളവ ഇന്നും അന്വര് പ്രസംഗത്തില് ആവര്ത്തിച്ചു.
കൂടുതൽ ജിസിസി വാർത്തകൾക്കും തൊഴിൽ അവസരങ്ങൾക്കും ഗൾഫ് വാർത്തകൾ ഗ്രൂപ്പിൽ ജോയിൻ ചെയ്യുക-https://chat.whatsapp.com/Iz8594zylUiGUCaltFYrr7
ഗൾഫ് വാർത്തകൾ വാട്സ്ആപ്പ് ചാനൽ ലിങ്ക്-https://whatsapp.com/channel/0029VagTUieB4hdXiUEnVF1K
