ദോഹ: ഖത്തറില് 2026 – 27 അധ്യയന വര്ഷത്തേക്കുള്ള സര്ക്കാര് സ്കൂളുകളിലെ വിദ്യാര്ത്ഥി രജിസ്ട്രേഷന് ജൂലൈ 5 മുതല് ആരംഭിക്കും. അഡ്മിഷന് ലഭിക്കുന്നതിന് നിബന്ധനകള് ബാധകമാണെന്ന് വിദ്യാഭ്യാസ, ഉന്നത വിദ്യാഭ്യാസ മന്ത്രാലയം (MoEHE) അറിയിച്ചു.
ഓഗസ്റ്റ് 13 വരെ എല്ലാ ദിവസവും രാവിലെ 8 മുതല് ഉച്ചയ്ക്ക് 2 വരെയാണ് സമയപരിധി. പുതിയ അധ്യയന വര്ഷം ആരംഭിക്കുന്നതിന് മുമ്പ് പ്രവേശന, ട്രാന്സ്ഫര് നടപടിക്രമങ്ങള് കാര്യക്ഷമമാക്കുന്നതിനായി പുരുഷന്മാര്ക്കും സ്ത്രീകള്ക്കുമായി പ്രത്യേക രജിസ്ട്രേഷന് കേന്ദ്രങ്ങള് അനുവദിച്ചിട്ടുണ്ട്. ഖത്തര് ഐഡിയുള്ള കുട്ടികള്ക്ക് അഡ്മിഷന് അപേക്ഷിക്കാവുന്നതാണ്. കുട്ടികള്ക്ക് അഡ്മിഷന് സമയത്ത് 18 വയസ്സ് തികയരുത്.
പുരുഷ അപേക്ഷകര്ക്കായി അല് അഹ്നാഫ് ബിന് ഖൈസ് പ്രിപ്പറേറ്ററി സ്കൂള് ഫോര് ബോയ്സിലും അലി ബിന് അബി താലിബ് പ്രിപ്പറേറ്ററി സ്കൂള് ഫോര് ബോയ്സിലും, സ്ത്രീ അപേക്ഷകര്ക്കായി അബു ഹനീഫ മോഡല് സ്കൂള് ഫോര് ബോയ്സിലും, മോസ ബിന്ത് മുഹമ്മദ് പ്രിപ്പറേറ്ററി സ്കൂള് ഫോര് ഗേള്സിലുമാണ് സൗകര്യമൊരുക്കിയിട്ടുള്ളത്. നേരിട്ട് സ്കൂളുകളില് എത്തുന്നതിന് പുറമെ, ഓണ്ലൈന് രജിസ്ട്രേഷന് ഉള്പ്പെടെയുള്ള ഡിജിറ്റല് സേവനങ്ങളും ലഭ്യമാണ്.
ആവശ്യമായ രേഖകള്:
വിദ്യാര്ത്ഥിയുടെ സാധുവായ ഖത്തരി തിരിച്ചറിയല് കാര്ഡിന്റെ ഒരു പകര്പ്പ്. രക്ഷിതാവിന്റെ (അച്ഛന്/അമ്മ) സാധുവായ ഖത്തര് ഐഡി കാര്ഡിന്റെ പകര്പ്പ്. ഖത്തരി രേഖയുടെ ഒരു പകര്പ്പ് (ഖത്തരി രേഖ കൈവശമുള്ളവരുടെ കുട്ടികള്ക്ക്). വിദ്യാര്ത്ഥിയുടെ ജനന സര്ട്ടിഫിക്കറ്റിന്റെ ഒരു പകര്പ്പ്. രണ്ട് സമീപകാലത്ത് എടുത്ത ഫോട്ടോകള്. രക്ഷിതാവിന്റെ ജോലി സാധുത തെളിയിക്കുന്ന ഒരു സര്ട്ടിഫിക്കറ്റ് (താമസക്കാരുടെ കുട്ടികള്ക്ക്). ഖത്തര് കഹ്റാമ സര്ട്ടിഫിക്കറ്റ്, രക്ഷിതാവിന്റെ താമസ സ്ഥലത്തിന്റെ വൈദ്യുതി നമ്പര് കാണിക്കുന്ന ഒരു നോട്ടറിഫൈഡ് ലീസ് കരാര്. സ്കൂള് പ്രവേശനത്തിനുള്ള മെഡിക്കല് ഫിറ്റ്നസ് സര്ട്ടിഫിക്കറ്റും ആരോഗ്യ കേന്ദ്രങ്ങളില് നിന്നുള്ള ആരോഗ്യ ഫയലും.
കൂടുതല് വാര്ത്തകള്ക്കും തൊഴിലവസരങ്ങള്ക്കും ഗള്ഫ് മലയാളി വാര്ത്താ ഗ്രൂപ്പില് ജോയിന് ചെയ്യുക – https://chat.whatsapp.com/BEtoiocklOc8D5XDkdaHoR?mode=hq2tcla
വാട്സ്ആപ്പ് ചാനല് ലിങ്ക്- https://whatsapp.com/channel/0029VagTUieB4hdXiUEnVF1K
The Ministry of Education and Higher Education (MoEHE) has announced the operating schedule for its student registration and transfer centres in preparation for the 2026–2027 academic year. The centres will receive parents and guardians from July 5 to August 13, 2026, operating daily from 8am to 2pm, to facilitate student registration and transfers in government schools during the summer holiday.
