കുവൈത്ത്: യാത്രക്കാരുടെ പ്രവേശന, പുറത്തുകടക്കല് നടപടിക്രമങ്ങളില് കൃത്രിമം കാണിച്ച മൂന്ന് പാസ്പോര്ട്ട് ജീവനക്കാരെ കുവൈത്ത് ആഭ്യന്തര മന്ത്രാലയം അറസ്റ്റ് ചെയ്തു. രണ്ട് ലാന്ഡ് ബോര്ഡര് ക്രോസിംഗുകളില് ജോലി ചെയ്യുന്ന മൂന്ന് സിവിലിയന് ജീവനക്കാരാണ് അറസ്റ്റിലായത്.
രാജ്യത്തേക്കും പുറത്തേക്കും യാത്രചെയ്യുന്നവരുടെ പ്രവേശനവും തിരിച്ചുപോക്കും രേഖപ്പെടുത്താന് ഉപയോഗിക്കുന്ന കമ്പ്യൂട്ടര് സിസ്റ്റത്തില് കൃത്രിമം കാണിച്ചതായി കണ്ടെത്തിയതിനെ തുടര്ന്നാണ് നടപടി. ഇവരെ നിയമനടപടികള്ക്കായി ബന്ധപ്പെട്ട അധികാരികള്ക്ക് കൈമാറിയതായും മന്ത്രാലയം അറിയിച്ചു. രണ്ട് വനിതാ പൗരന്മാരുടെ വ്യാജ എന്ട്രി, എക്സിറ്റ് ഇടപാടുകള് രേഖപ്പെടുത്തിയതായും സൂചന ലഭിച്ചിരുന്നു.
കൂടുതല് വാര്ത്തകള്ക്കും തൊഴിലവസരങ്ങള്ക്കും ഗള്ഫ് മലയാളി വാര്ത്താ ഗ്രൂപ്പില് ജോയിന് ചെയ്യുക – https://chat.whatsapp.com/DEUubIBAkhI9HFrIvyQtal
വാട്സ്ആപ്പ് ചാനല് ലിങ്ക്- https://whatsapp.com/channel/0029VagTUieB4hdXiUEnVF1K
