തിരുവനന്തപുരം: രാഹുല് മാങ്കൂട്ടത്തില് എംഎല്എയ്ക്കെതിരെ ക്രൈംബ്രാഞ്ച് കേസെടുത്തു. പെണ്കുട്ടികളെ പിന്തുടര്ന്ന് ശല്യപ്പെടുത്തിയെന്ന പരാതിയിലാണ് കേസെടുത്തത്. ബിഎന്എസിലെ വകുപ്പുകള് ചേര്ത്താണ് രാഹുല് മാങ്കൂട്ടത്തിലിനെതിരെ കേസെടുത്തിരിക്കുന്നത്. കേസ് ക്രൈംബ്രാഞ്ച് അന്വേഷിക്കും.
രാഹുല് മാങ്കൂട്ടത്തിലിനെതിരെ കേസെടുക്കുന്ന കാര്യത്തില് പൊലീസ് നിയമോപദേശം തേടിയിരുന്നു. ഇതിന്റെ അടിസ്ഥാനത്തില് രാഹുലിനെതിരെ കേസെടുക്കാന് ഡിജിപി റവാഡ ചന്ദ്രശേഖര് നിര്ദേശം നല്കി. ഇതോടെയാണ് കേസ് ക്രൈംബ്രാഞ്ച് ഏറ്റെടുത്തത്. മാധ്യമങ്ങള് പുറത്തുവിട്ട രാഹുല് മാങ്കൂട്ടത്തിലിന്റെ വാട്സ്ആപ്പ്, ടെലഗ്രാം ചാറ്റുകള്, യുവതിയെ ഗര്ഭഛിദ്രത്തിന് നിര്ബന്ധിക്കുന്ന ഫോണ് സംഭാഷണം എന്നിവ പൊലീസ് തെളിവായി പരിഗണിക്കും. ഡിജിപിക്ക് ലഭിച്ച പരാതികളില് പറയുന്ന സ്ത്രീകളുടെ മൊഴിയെടുക്കാനും ക്രൈം ബ്രാഞ്ച് ശ്രമം ആരംഭിച്ചിട്ടുണ്ട്.
കൂടുതല് വാര്ത്തകള്ക്കും തൊഴിലവസരങ്ങള്ക്കും ഗള്ഫ് മലയാളി വാര്ത്താ ഗ്രൂപ്പില് ജോയിന് ചെയ്യുക – https://chat.whatsapp.com/DEUubIBAkhI9HFrIvyQtal
വാട്സ്ആപ്പ് ചാനല് ലിങ്ക്- https://whatsapp.com/channel/0029VagTUieB4hdXiUEnVF1K
