കൊച്ചി: ഗതാഗത വകുപ്പിന് കനത്ത തിരിച്ചടി. ഗതാഗത വകുപ്പിന്റെ ഡ്രൈവിങ് ലൈസന്സ് പരീക്ഷാ പരിഷ്കരണം ഹൈക്കോടതി റദ്ദാക്കി. ഗതാഗത കമ്മീഷണറുടെ സര്ക്കുലറും ഉത്തരവുകളും ഹൈക്കോടതി സിംഗിള് ബെഞ്ച് റദ്ദാക്കിയിട്ടുണ്ട്. ഡ്രൈവിങ് സ്കൂള് ഉടമകളുടെ ഹര്ജികളിലാണ് നടപടി.
ഡ്രൈവിംഗ് ടെസ്റ്റിന് 15 വര്ഷത്തില് കൂടുതല് പഴക്കമുള്ള വാഹനങ്ങള് ഉപയോഗിക്കരുതെന്നും ആധുനിക സാങ്കേതിക വിദ്യയ്ക്ക് അനുസൃതമല്ലെന്നും ഗതാഗത കമ്മീഷണര് ഏര്പ്പെടുത്തിയ മാനദണ്ഡങ്ങളില് പറഞ്ഞിരുന്നു. എന്നാല് ഏകപക്ഷീയമായി വാഹന നിരോധനം അടിച്ചേല്പ്പിക്കുകയാണെന്നും യുക്തിപരമല്ലെന്നുമായിരുന്നു ഹര്ജിക്കാരുടെ വാദം.
ഡ്രൈവിംഗ് പരിശീലന വാഹനങ്ങള്ക്ക് ഡാഷ് ബോര്ഡ് കാമറ നിര്ബന്ധം, ഡ്രൈവിംഗ് പരിശീലനം റെക്കോഡ് ചെയ്യണം, ഡ്രൈവിംഗ് ടെസ്റ്റ് കേന്ദ്രങ്ങള് കംപ്യൂട്ടറൈസ് ചെയ്യണം, ഡ്രൈവിംഗ് പരിശീലകര്ക്ക് മിനിമം വിദ്യാഭ്യാസ യോഗ്യത വേണം എന്നായിരുന്നു പരിഷ്കരണം.
കൂടുതല് വാര്ത്തകള്ക്കും തൊഴിലവസരങ്ങള്ക്കും ഗള്ഫ് വാര്ത്തകള് ഗ്രൂപ്പില് ജോയിന് ചെയ്യുക – https://chat.whatsapp.com/DEUubIBAkhI9HFrIvyQtal
വാട്സ്ആപ്പ് ചാനല് ലിങ്ക്- https://whatsapp.com/channel/0029VagTUieB4hdXiUEnVF1K
