കൊച്ചി: നടന് മമ്മൂട്ടിയുടെ ആരോഗ്യസ്ഥിതിയെക്കുറിച്ച് പ്രചരിച്ചിരുന്ന അഭ്യൂഹങ്ങള്ക്ക് വിരാമം. മമ്മൂട്ടി പൂര്ണ്ണമായും സുഖമായിരിക്കുന്നുവെന്ന് മമ്മൂട്ടിയുടെ പിആര് ടീം. ഒരു ദേശീയ മാധ്യമത്തോടാണ് മമ്മൂട്ടിയുടെ പിആര് ടീം ഇക്കാര്യം സ്ഥിരീകരിച്ചത്. എല്ലാ ഊഹാപോഹങ്ങളും അടിസ്ഥാനരഹിതമാണെന്നും ടീം അറിയിച്ചു.
മമ്മൂട്ടിക്ക് ക്യാന്സര് ബാധിച്ചതായും ചികിത്സയുടെ ഭാഗമായി സിനിമാ ചിത്രീകരണത്തില് നിന്ന് പിന്മാറിയതായും സോഷ്യല് മീഡിയയില് അഭ്യൂഹങ്ങള് നിറഞ്ഞിരുന്നു. ഒരു വിഭാഗം നെറ്റിസണ്മാര് ക്യാന്സര് കിംവദന്തികളെ നിരാകരിച്ചെങ്കിലും, അദ്ദേഹം സുഖമില്ലെന്നും ആശുപത്രിയില് പ്രവേശിപ്പിച്ചിരിക്കുകയാണെന്നും അഭ്യൂഹങ്ങള് വന്നിരുന്നു.
എന്നാല് ഈ ഊഹാപോഹങ്ങള് സത്യമല്ലെന്നും മമ്മൂട്ടി ആരോഗ്യവാനാണെന്നും റമദാന് മാസം കാരണമാണ് അദ്ദേഹം തന്റെ തിരക്കേറിയ ഷെഡ്യൂളില് നിന്ന് ഇടവേള എടുത്തതെന്നും അദ്ദേഹത്തിന്റെ പിആര് ടീം വ്യക്തമാക്കി.
‘പ്രചരിക്കുന്നത് വ്യാജ വാര്ത്തയാണ്. റമദാന് വ്രതം അനുഷ്ഠിക്കുന്നതിനാല് അദ്ദേഹം അവധിയിലാണ്. അതുകൊണ്ടാണ് ഷൂട്ടിംഗ് ഷെഡ്യൂളില് നിന്നും ഇടവേള എടുത്തിരിക്കുന്നത്. ഇടവേളയ്ക്ക് ശേഷം മോഹന്ലാലിനൊപ്പം മഹേഷ് നാരായണന്റെ സിനിമയുടെ ഷൂട്ടിംഗിലേക്ക് മടങ്ങും,” – മമ്മൂട്ടിയുടെ പിആര് ടീം മിഡ്-ഡേ പത്രത്തോട് പറഞ്ഞു.
കൂടുതൽ വാർത്തകൾക്കും തൊഴിൽ അവസരങ്ങൾക്കും ഗൾഫ് വാർത്തകൾ ഗ്രൂപ്പിൽ ജോയിൻ ചെയ്യുക-https://chat.whatsapp.com/Iz8594zylUiGUCaltFYrr7
ഗൾഫ് വാർത്തകൾ വാട്സ്ആപ്പ് ചാനൽ ലിങ്ക്-https://whatsapp.com/channel/0029VagTUieB4hdXiUEnVF1K
