ദോഹ: ഇന്സ്റ്റന്റ് ലോണ് ആപ്പ് തട്ടിപ്പ് കേസില് രണ്ട് മലയാളികളെ കൂടി എന്ഫോര്സ്മെന്റ് ഡയറക്ടറേറ്റ് അറസ്റ്റ് ചെയ്തു. തട്ടിപ്പിന് ബാങ്ക് അക്കൗണ്ടുകള് തുറന്നുകൊടുത്ത കോഴിക്കോട് സ്വദേശി സയ്യിദ് മുഹമ്മദ്, ഫോര്ട്ട് കൊച്ചി സ്വദേശി ടിജി വര്ഗീസ് എന്നിവരാണ് അറസ്റ്റിലായത്. ഇതേ കേസില് ജനുവരിയില് 4 പേരെ ഇഡി പിടികൂടിയിരുന്നു. ചെന്നൈ കാഞ്ചീപുരം സ്വദേശികളായ ഡാനിയേല് സെല്വകുമാര്, കതിരവന് രവി, ആന്റോ പോള് പ്രകാശ്, അലന് സാമുവേല് എന്നിവരാണ് ജനുവരിയില് പിടിയിലായത്. തുടര് അന്വേഷണത്തിലാണ് കോഴിക്കോട് സ്വദേശി സയ്യിദ് മുഹമ്മദും ഫോര്ട്ട് കൊച്ചി സ്വദേശി ടിജി വര്ഗീസും പിടിയിലായത്. തട്ടിപ്പിന് ഇടനിലക്കാരായി നിന്നവരാണ് ഇരുവരുമെന്ന് ഇഡി പറയുന്നു.
സൈബര് കുറ്റകൃത്യങ്ങളുടെ പട്ടികയില് ഏറ്റവും വലിയ സാമ്പത്തിക കൊള്ളകളിലൊന്നാണ് ലോണ് ആപ്പ് തട്ടിപ്പ്. 500ലേറെ ബാങ്ക് അക്കൗണ്ടുകളാണ് ഇവര് തുറന്നത്. 289 അക്കൗണ്ടുകളിലായി 377 കോടി രൂപയുടെ ഇടപാട് നടന്നു. ഇതില് രണ്ട് കോടി രൂപ സയ്യിദിന് ലഭിച്ചു. വര്ഗീസ് 190 അക്കൗണ്ടുകളാണ് തുറന്നുകൊടുത്തതെന്ന് ഇഡി പറയുന്നു. ഇതിലൂടെ 341 കോടി രൂപയുടെ കൈമാറ്റം നടന്നു. കൂടുതല് അന്വേഷണത്തിനായി പ്രതികളെ നാല് ദിവത്തേക്ക് ഇഡിക്ക് കസ്റ്റഡിയില് ലഭിച്ചിട്ടുണ്ട്.
ലോണ് ആപ്പില് രജിസ്റ്റര് ചെയ്ത രേഖകള് ദുരുപയോഗം ചെയ്തിട്ടുണ്ട്. പുറമെ ലോണ് ആപ്പില് രജിസ്റ്റര് ചെയ്യുമ്പോള് ഫോണിന്റെ നിയന്ത്രണം പ്രതികള് കൈക്കലാക്കും. മോര്ഫിങ്ങിലൂടെ നഗ്നചിത്രങ്ങള് കാട്ടി ഇടപാടുകാരില് നിന്നും വലിയ തുക തട്ടിയെടുക്കുകയാണ് ഇവരുടെ രീതി. കേസില് കൂടുതല് പേര് പിടിയിലാകുമെന്ന് ഇഡി ഉദ്യോഗസ്ഥര് സൂചന നല്കി.
കൂടുതല് വാര്ത്തകള്ക്കും തൊഴില് അവസരങ്ങള്ക്കും ഗള്ഫ് വാര്ത്തകള് ഗ്രൂപ്പില് ജോയിന് ചെയ്യുക- https://chat.whatsapp.com/Iz8594zylUiGUCaltFYrr7
ഗള്ഫ് വാര്ത്തകള് വാട്സ്ആപ്പ് ചാനല് ലിങ്ക്- https://whatsapp.com/channel/0029VagTUieB4hdXiUEnVF1K
