റിയാദ്: സൗദി അറേബ്യ പൗരന്മാര്ക്കും പ്രവാസികള്ക്കുമായി സര്ക്കാര് പ്ലാറ്റ്ഫോമില് ഒരു കൂട്ടം പുതിയ ഡിജിറ്റല് സേവനങ്ങള് ആരംഭിച്ചു. പൊതുജനങ്ങള്ക്കുള്ള തങ്ങളുടെ സേവനങ്ങളുടെ കാര്യക്ഷമത വര്ദ്ധിപ്പിക്കുന്നതിന്റെ ഭാഗമായാണ് നടപടി. പാസ്പോര്ട്ട് ഇഷ്യൂ ചെയ്യുന്നതിനോ പുതുക്കുന്നതിനോ ആശ്രിതരുടെ ഫോട്ടോകള് അപ്ലോഡ് ചെയ്യുക, പ്രവാസികള്ക്ക് പാസ്പോര്ട്ട് ഡാറ്റ അപ്ഡേറ്റ് ചെയ്യുക, പ്രവാസികള്ക്ക് അവരുടെ ഡിജിറ്റല് ഐഡന്റിറ്റി പ്രദര്ശിപ്പിക്കാനും അതിന്റെ ഡാറ്റ കാണാനും രാജ്യത്തിലെ യോഗ്യതയുള്ള അധികാരികള് ആവശ്യപ്പെടുമ്പോള് അവതരിപ്പിക്കാനും അനുവദിക്കുന്ന ഡിജിറ്റല് ഐഡന്റിറ്റി കാണല് എന്നിവ ഉള്പ്പെടുന്നതാണ് പുതിയ സേവനം. ആഭ്യന്തര മന്ത്രാലയത്തിന്റെ അബ്ഷര് ആപ്പിലാണ് പുതിയ സേവനങ്ങള് ലഭ്യമാകുക.
സൗദികളുടെ ദേശീയ ഐഡി കാര്ഡുമായി ബന്ധപ്പെട്ട മറ്റ് സേവനങ്ങള്, വിദ്യാഭ്യാസ മന്ത്രാലയ സംവിധാനങ്ങളില് രജിസ്റ്റര് ചെയ്തിട്ടുള്ള വിദ്യാഭ്യാസ യോഗ്യതകള് അപ്ഡേറ്റ് ചെയ്യുക തുടങ്ങിയ സേവനങ്ങളും ആപ്പിലൂടെ ലഭിക്കും. അബ്ഷര് പ്ലാറ്റ്ഫോമിലും സ്മാര്ട്ട്ഫോണുകളിലെ ആപ്പിലും തങ്ങളുടെ അക്കൗണ്ടുകളില് ലോഗിന് ചെയ്ത് ഗുണഭോക്താക്കള്ക്ക് പുതിയ സേവനങ്ങളുടെ നടപടിക്രമങ്ങളും ആവശ്യകതകളും കാണാന് കഴിയുമെന്ന് ആഭ്യന്തര മന്ത്രാലയത്തിന്റെ സിവില് അഫയേഴ്സ് ഡയറക്ടറേറ്റ് അറിയിച്ചു.
കൂടുതല് വാര്ത്തകള്ക്കും തൊഴില് അവസരങ്ങള്ക്കും ഗള്ഫ് വാര്ത്തകള് ഗ്രൂപ്പില് ജോയിന് ചെയ്യുക-https://chat.whatsapp.com/Iz8594zylUiGUCaltFYrr7
ഗള്ഫ് വാര്ത്തകള് വാട്സ്ആപ്പ് ചാനല് ലിങ്ക്-https://whatsapp.com/channel/0029VagTUieB4hdXiUEnVF1K
