റിയാദ്: സൗദി ബാലന് കൊല്ലപ്പെട്ട കേസില് 18 വര്ഷമായി റിയാദിലെ ജയിലില് കഴിയുന്ന കോഴിക്കോട് ഫറോക്ക് കോടമ്പുഴ സ്വദേശി മച്ചിലകത്ത് അബ്ദുല് റഹീമിന്റെ മോചനം നീളും. എട്ടാം തവണയും റിയാദിലെ ക്രിമിനല് കോടതി കേസ് പരിഗണിക്കുന്നത് മാറ്റിവെച്ചു. ഇന്നത്തെ കോടതി സിറ്റിങ്ങിലും തീരുമാനമുണ്ടായില്ല. നടപടിക്രമങ്ങള് പൂര്ത്തിയാകാനുണ്ടെന്ന് പറഞ്ഞ് കേസ് മറ്റൊരു ദിവസത്തേക്ക് മാറ്റിവെയ്ക്കുകയായിരുന്നു.
ഇന്ന് (വ്യാഴാഴ്ച) രാവിലെ 11.30ന് ആരംഭിച്ച ഓണ്ലൈന് സിറ്റിങ് ഒരു മണിക്കൂറിലേറെ നീണ്ടു. പതിവുപോലെ ജയിലില്നിന്ന് അബ്ദുല് റഹീമും പ്രതിഭാഗം അഭിഭാഷകരും ഇന്ത്യന് എംബസി പ്രതിനിധിയും റിയാദ് നിയമസഹായസമിതി പ്രവര്ത്തകരും സിറ്റിഗില് പങ്കെടുത്തിരുന്നു. ഫെബ്രുവരി രണ്ടിനായിരുന്നു കഴിഞ്ഞ സിറ്റിങ്. ദിയാധനം സ്വീകരിച്ച് വാദിഭാഗം മാപ്പ് നല്കിയതോടെ റഹീമിന്റെ വധശിക്ഷ കോടതി അഞ്ച് മാസം മുമ്പ് ഒഴിവാക്കിയിരുന്നു.
കൂടുതല് വാര്ത്തകള്ക്കും തൊഴില് അവസരങ്ങള്ക്കും ഗള്ഫ് വാര്ത്തകള് ഗ്രൂപ്പില് ജോയിന് ചെയ്യുക-https://chat.whatsapp.com/Iz8594zylUiGUCaltFYrr7
ഗള്ഫ് വാര്ത്തകള് വാട്സ്ആപ്പ് ചാനല് ലിങ്ക്-https://whatsapp.com/channel/0029VagTUieB4hdXiUEnVF1K
