റിയാദ്: സൗദി അറേബ്യയിൽ ബിനാമി ബിസിനസ് നടത്തിയ ഇന്ത്യാക്കാരന് സൗദി കോടതി പിഴയും നാടുകടത്തലും വിധിച്ചു. രാജ്യത്ത് വാണിജ്യ സംരംഭങ്ങൾ നടത്തുന്നതിനുള്ള വിദേശ നിക്ഷേപക ലൈസന്സ് നേടാതെ കച്ചവടം നടത്തിയതിനാണ് നടപടി. സൗദി കിഴക്കൻ പ്രവിശ്യയിലെ അൽ അഹ്സയില് ഫര്ണിച്ചര് വ്യാപാര സ്ഥാപനം നടത്തിയ മദീര് ഖാൻ എന്ന ഇന്ത്യാക്കാരനെതിരെയാണ് അൽ അഹ്സ ക്രിമിനല് കോടതി ശിക്ഷാനടപടി സ്വീകരിച്ചതെന്ന് സൗദി വാണിജ്യ മന്ത്രാലയം അറിയിച്ചു. സൗദി പൗരനെ ബിനാമിയാക്കി മദീര് ഖാന് സ്വന്തമായി സ്ഥാപനം നടത്തുകയായിരുന്നു.
സ്ഥാപനം അടച്ചുപൂട്ടാനും ലൈസന്സും കൊമേഴ്സ്യല് രജിസ്ട്രേഷനും റദ്ദാക്കാനും കോടതി ഉത്തരവിട്ടിട്ടുണ്ട്. നിയമാനുസൃത സകാത്തും ഫീസുകളും നികുതികളും ഈടാക്കാനും കോടതി ഉത്തരവിട്ടു. മദീര് ഖാനെ സൗദിയില്നിന്ന് നാടുകടത്താനും പുതിയ തൊഴില് വിസയില് വീണ്ടും രാജ്യത്ത് പ്രവേശിക്കുന്നതില് നിന്ന് ആജീവനാന്ത വിലക്കേര്പ്പെടുത്തും. പ്രതിയുടെ പേരുവിവരങ്ങളും ഇയാള് നടത്തിയ നിയമ ലംഘനവും ഇതിനുള്ള ശിക്ഷകളും അയാളുടെ തന്നെ ചെലവില് മാധ്യമങ്ങളില് പരസ്യപ്പെടുത്താനും ഉത്തരവിൽ പറയുന്നു.
വാണിജ്യ മന്ത്രാലയത്തിന് കീഴിലെ ബിനാമി വിരുദ്ധ സംഘം ഫര്ണിച്ചര് സ്ഥാപനത്തില് നടത്തിയ പരിശോധനയില് ബിനാമി ഇടപാട് കണ്ടെത്തുകയായിരുന്നു. സൗദി പൗരനെ മറയാക്കി അയാളുടെ സ്പോൺസർഷിപ്പിൽ മദീർ ഖാൻ സ്വന്തം നിലക്ക് നടത്തുന്നതാണെന്ന സ്ഥിരീകരിക്കുന്ന തെളിവുകള് കണ്ടെത്താൻ സംഘത്തിന് കഴിഞ്ഞു. കേസെടുത്ത മന്ത്രാലയം പ്രതിയെ നിയമനടപടികൾക്കായി പബ്ലിക് പ്രോസിക്യൂഷന് കൈമാറുകയായിരുന്നു. സൗദിയില് ബിനാമി ബിസിനസ് ഇടപാടുകൾക്ക് പരമാവധി അഞ്ചു വര്ഷം വരെ തടവും 50 ലക്ഷം റിയാല് പിഴയുമാണ് ശിക്ഷ. ബിനാമി ഇടപാടിലൂടെ സമ്പാദിക്കുന്ന പണം കണ്ടുകെട്ടുകയും പ്രതിയെ തടവുശിക്ഷക്ക് ശേഷം നാടുകടത്തുകയും ചെയ്യും.
കൂടുതൽ വാർത്തകൾക്കും തൊഴിൽ അവസരങ്ങൾക്കും ഗൾഫ് വാർത്തകൾ ഗ്രൂപ്പിൽ ജോയിൻ ചെയ്യുക-https://chat.whatsapp.com/Iz8594zylUiGUCaltFYrr7
ഗൾഫ് വാർത്തകൾ വാട്സ്ആപ്പ് ചാനൽ ലിങ്ക്-https://whatsapp.com/channel/0029VagTUieB4hdXiUEnVF1K
