തിരുവനന്തപുരം: കേരളത്തില് പുതിയ വൈദ്യുത കണക്ഷനുള്ള അപേക്ഷകള് ഓണ്ലൈനാക്കുന്നു. വൈദ്യുതി കണക്ഷന് ഉള്പ്പെടെയുള്ള സേവനങ്ങള് ലഭ്യമാകുന്നതില് ചിലപ്പോള് കാലതാമസമുണ്ടാകുന്നു എന്ന ഉപഭോക്താക്കളുടെ പരാതി പരിഗണിച്ചാണ് തീരുമാനമെന്ന് കെഎസ്ഇബി വ്യക്തമാക്കി.
പുതിയ വൈദ്യുതി കണക്ഷന് ഉള്പ്പെടെയുള്ള അപേക്ഷകള് ഡിസംബര് 1 മുതല് ഓണ്ലൈനിലൂടെ മാത്രമായിരിക്കും. അപേക്ഷകള് പൂര്ണ്ണമായും ഓണ്ലൈനാക്കാന് തീരുമാനിച്ചതായും കെഎസ്ഇബി അറിയിച്ചു. പുതിയ കണക്ഷനും മറ്റ് സേവനങ്ങള്ക്കുമുള്ള ആപ്ലിക്കേഷനുകള് ഡിസംബര് 1 മുതല് ഓണ്ലൈനായി മാത്രമായിരിക്കും സ്വീകരിക്കുകയെന്നാണ് അറിയിപ്പ്. സെക്ഷന് ഓഫീസില് നേരിട്ടുള്ള പേപ്പര് അപേക്ഷകള് പൂര്ണ്ണമായും ഒഴിവാക്കും. ആദ്യം അപേക്ഷിക്കുന്നവര്ക്ക് ആദ്യം സേവനം എന്ന നിലയില് മാത്രം അപേക്ഷകള് പരിഗണിക്കുന്നു എന്ന് ഉറപ്പാക്കുമെന്നും കെഎസ്ഇബി അറിയിച്ചു.
അപേക്ഷാ ഫോം കെഎസ്ഇബിയുടെ ഉപഭോക്തൃ സേവന വെബ് സൈറ്റായ WSS.KSEB.IN ല് മലയാളത്തിലും ഇംഗ്ലീഷിലും ലഭ്യമാക്കും. അപേക്ഷാ ഫീസടച്ച് രണ്ട് പ്രവൃത്തി ദിവസത്തിനുള്ളില് എസ്റ്റിമേറ്റെടുക്കും. എസ്റ്റിമേറ്റിന് അനുസരിച്ചുള്ള പണമടച്ചാല് ഉടന് സീനിയോറിറ്റി നമ്പരും സേവനം ലഭ്യമാകുന്ന ഏകദേശ സമയവും എസ് എം എസ്/വാട്സാപ് സന്ദേശമായി ലഭിക്കും. അപേക്ഷയുടെ പുരോഗതി ഓണ്ലൈനായി ട്രാക്ക് ചെയ്യാനും കഴിയുമെന്ന് കെഎസ്ഇബി വിശദീകരിച്ചു.
കൂടുതല് വാര്ത്തകള്ക്കും തൊഴില് അവസരങ്ങള്ക്കും ഗള്ഫ് വാര്ത്തകള് ഗ്രൂപ്പില് ജോയിന് ചെയ്യുക-
https://chat.whatsapp.com/Iz8594zylUiGUCaltFYrr7
ഗള്ഫ് വാര്ത്തകള് വാട്സ്ആപ്പ് ചാനല് ലിങ്ക്-
https://whatsapp.com/channel/0029VagTUieB4hdXiUEnVF1K
