പാലക്കാട്: ബിജെപിയില് നിന്ന് സന്ദീപ് വാര്യര് കോണ്ഗ്രസിലേക്ക്. കെപിസിസി അധ്യക്ഷന് കെ സുധാകരന്, പ്രതിപക്ഷ നേതാവ് വി ഡി സതീശന്, സംഘടനാ ചുമതലയുള്ള ജനറല് സെക്രട്ടറി എന്നിവര് വാര്ത്താ സമ്മേളനത്തില് സന്ദീപ് വാര്യരുടെ കോണ്ഗ്രസ് പ്രവേശനം ഔദ്യോഗികമായി പ്രഖ്യാപിച്ചു. വാര്ത്താ സമ്മേളനത്തിനിടെ സ്ഥലത്തേക്ക് എത്തിയ സന്ദീപ് വാര്യരെ കോണ്ഗ്രസ് നേതാക്കള് സ്വീകരിച്ചു. വളരെ സന്തോഷമുള്ള ദിവസമെന്ന് കെ സുധാകരന് എംപി പ്രതികരിച്ചു.
പാലക്കാട് തിരഞ്ഞെടുപ്പിന്റെ അന്തിമ ഘട്ടത്തിലേക്ക് നീങ്ങവേയാണ് ഈ അപ്രതീക്ഷിത ട്വിസ്റ്റുണ്ടായത്. രണ്ടാഴ്ചയോളം നീണ്ടു നിന്ന ചര്ച്ചക്ക് ഒടുവില് ഇന്നലെ രാത്രി എഐസിസിയും അനുമതി നല്കിയതോടെ ഔദ്യോഗിക പ്രഖ്യാപനത്തിലേക്ക് എത്തുകയായിരുന്നു.
ഉപതെരഞ്ഞെടുപ്പിന്റെ നിര്ണ്ണായകഘട്ടത്തില് ബിജെപി നേതൃത്വത്തെ പരസ്യമായി വെല്ലുവിളിച്ച സന്ദീപ് വാര്യര് കടുത്ത പ്രതിസന്ധി ബിജെപിക്ക് സൃഷ്ടിച്ചിരുന്നു. പാലക്കാട് സീറ്റ് നിഷേധിച്ചതിനൊപ്പം പാര്ട്ടിയില് നിന്നും നേരിടുന്ന അവഗണനയാണ് സന്ദീപിനെ കൂടുതല് ചൊടിപ്പിച്ചത്. നേരത്തെ സന്ദീപിനെ വക്താവ് സ്ഥാനത്തുനിന്നടക്കം ചുമതലകളില് നിന്ന് മാറ്റിയിരുന്നു. പിന്നീട് ലോക്സഭാ തെരഞ്ഞെടുപ്പ് കാലത്ത് കെ. സുരേന്ദ്രന് തന്നെയാണ് സന്ദീപിനെ തിരികെ നേതൃനിരയിലേക്കെത്തിക്കാന് മുന്കയ്യെടുത്തത്.
കൂടുതൽ വാർത്തകൾക്കും തൊഴിൽ അവസരങ്ങൾക്കും ഗൾഫ് വാർത്തകൾ ഗ്രൂപ്പിൽ ജോയിൻ ചെയ്യുക-
https://chat.whatsapp.com/Iz8594zylUiGUCaltFYrr7
ഗൾഫ് വാർത്തകൾ വാട്സ്ആപ്പ് ചാനൽ ലിങ്ക്-
https://whatsapp.com/channel/0029VagTUieB4hdXiUEnVF1K
