ദോഹ: ഖത്തറിലെ കോടതികളില് വാട്സ്ആപ്പ് സംഭാഷണങ്ങള്, ടെക്സ്റ്റ് മെസ്സേജുകള്, ഇമെയിലുകള് തുടങ്ങിയ ഇലക്ട്രോണിക് സന്ദേശങ്ങള് സാധുവായ തെളിവുകളായി സ്വീകരിക്കും. ഖത്തരി അഭിഭാഷകന് മന്സൂര് അല്-ദോസാരി ‘അല് റയ്യാന് ടിവി’ക്ക് നല്കിയ അഭിമുഖത്തിലാണ് ഇക്കാര്യം അറിയിച്ചത്. ദൈനംദിന വ്യക്തിഗത-വാണിജ്യ ഇടപാടുകളുടെ അവിഭാജ്യ ഘടകമായി വാട്സ്ആപ്പും ഇമെയിലും ഉള്പ്പെടെയുള്ള ഡിജിറ്റല് ആശയവിനിമയങ്ങള് മാറിയെന്നും അതിനാല് നിയമപരമായ തര്ക്കങ്ങളില് ഇലക്ട്രോണിക് തെളിവുകള്ക്ക് വലിയ പ്രാധാന്യമുണ്ടെന്നും അദ്ദേഹം ചൂണ്ടിക്കാട്ടി.
നേരത്തെ രേഖാമൂലമുള്ള കടലാസ് കരാറുകള്, സാക്ഷിമൊഴികള്, മറ്റ് പരമ്പരാഗത തെളിവുകള് എന്നിവ മാത്രമായിരുന്നു തെളിവുകളായി പ്രധാനമായും ഉപയോഗിച്ചിരുന്നത്. എന്നാല് ഇന്ന്, ഓണ്ലൈന് സംഭാഷണമോ ടെക്സ്റ്റ് മെസ്സേജോ ഇമെയിലോ അടിസ്ഥാനമാക്കി ഒരു കേസ് ആരംഭിക്കാനും അവസാനിക്കാനും സാധിക്കുമെന്നും അദ്ദേഹം പറഞ്ഞു.
അതേസമയം തെളിവുകളായി ഹാജരാക്കുന്നവയില് സന്ദേശം അയച്ചയാളെയും സ്വീകര്ത്താവിനെയും തിരിച്ചറിയാന് കഴിയണം. സംഭാഷണം പൂര്ണ്ണമായ ക്രമത്തിലോ, തര്ക്കവുമായി ബന്ധപ്പെട്ട വസ്തുതകളെ കൃത്യമായി പ്രതിഫലിപ്പിക്കുന്ന പൂര്ണ്ണമായ ഒരു ഭാഗമായോ അവതരിപ്പിക്കേണ്ടതുണ്ടെന്നും അദ്ദേഹം വ്യക്തമാക്കി. കോടതിയില് അവതരിപ്പിക്കുന്നതിന് മുന്പ് ഇലക്ട്രോണിക് സന്ദേശങ്ങളില് മാറ്റം വരുത്തുകയോ, അവ നീക്കം ചെയ്യുകയോ, തിരുത്തുകയോ ചെയ്യരുത്. എന്നാല് സ്ക്രീന്ഷോട്ടുകള് മാത്രം അന്തിമ തെളിവായി കണക്കാക്കാനാവില്ലെന്നും അല്-ദോസാരി അറിയിച്ചു. നിയമം നിശ്ചയിച്ചിട്ടുള്ള മാനദണ്ഡങ്ങള് പാലിക്കുന്നുണ്ടോ എന്നതിനെ അടിസ്ഥാനമാക്കിയാണ് തെളിവിന്റെ ബലം നിര്ണ്ണയിക്കപ്പെടുന്നതെന്നും അദ്ദേഹം പറഞ്ഞു.
കൂടുതല് വാര്ത്തകള്ക്കും തൊഴിലവസരങ്ങള്ക്കും ഗള്ഫ് മലയാളി വാര്ത്താ ഗ്രൂപ്പില് ജോയിന് ചെയ്യുക – https://chat.whatsapp.com/BEtoiocklOc8D5XDkdaHoR?mode=hq2tcla
വാട്സ്ആപ്പ് ചാനല് ലിങ്ക്- https://whatsapp.com/channel/0029VagTUieB4hdXiUEnVF1K
Electronic messages such as WhatsApp conversations, text messages and emails can serve as valid evidence before Qatari courts, provided they meet specific legal requirements, Qatari lawyer Mansour Al-Dosari said in an interview with Al Rayyan TV. Al-Dosari said digital communications have become an integral part of daily personal and commercial transactions, making electronic evidence increasingly significant in legal disputes.
