തിരുവനന്തപുരം: പീരുമേട് എംഎല്എ വാഴൂര് സോമന് (72) അന്തരിച്ചു. ഹൃദയാഘാതത്തെത്തുടര്ന്നായിരുന്നു അന്ത്യം. ഔദ്യോഗിക പരിപാടിക്കിടെ കുഴഞ്ഞുവീഴുകയായിരുന്നു. തുടര്ന്ന് ആശുപത്രിയില് പ്രവേശിപ്പിച്ചെങ്കിലും ജീവന് രക്ഷിക്കാനായില്ല.. തോട്ടം തൊഴിലാളികളെ സംഘടിപ്പിച്ചു വളര്ന്ന നേതാവായിരുന്നു.
ഇടുക്കി പീരുമേട്ടില് നിന്ന് സിപിഐ എംഎല്എയായാണ് വാഴൂര് സോമന് നിയമസഭയിലെത്തിയത്. 1835 വോട്ടിന്റെ ഭൂരിപക്ഷത്തിലായിരുന്നു വിജയം. കോട്ടയം ജില്ലയിലെ വാഴൂര് ആണ് ജന്മദേശം. ട്രേഡ് യൂണിയന് പ്രവര്ത്തനങ്ങളിലൂടെ പൊതുരംഗത്ത് സജീവമായി. വെയര് ഹൗസിങ് കോര്പ്പറേഷന് ചെയര്മാന്, എഐടിയുസി സംസ്ഥാന വൈസ് പ്രവസിഡന്റ് എന്നീ പദവികള് വഹിച്ചിട്ടുണ്ട്. ഭാര്യ: ബിന്ദു. മക്കള്: അഡ്വ. സോബിന്, അഡ്വ. സോബിത്ത്. എംഎന് സ്മാരകത്തില് പൊതുദര്ശനത്തിന് വെച്ച ശേഷം മൃതദേഹം ഇടുക്കിയിലേക്ക് കൊണ്ടുപോകും.
കൂടുതല് വാര്ത്തകള്ക്കും തൊഴിലവസരങ്ങള്ക്കും ഗള്ഫ് മലയാളി വാര്ത്താ ഗ്രൂപ്പില് ജോയിന് ചെയ്യുക – https://chat.whatsapp.com/DEUubIBAkhI9HFrIvyQtal
വാട്സ്ആപ്പ് ചാനല് ലിങ്ക്- https://whatsapp.com/channel/0029VagTUieB4hdXiUEnVF1K
