തിരുവനന്തപുരം: കേരളത്തില് നാളെ പൊതു അവധി പ്രഖ്യാപിച്ചു. മുന് മുഖ്യമന്ത്രി വി.എസ് അച്യുതാനന്ദന്റെ മരണത്തില് സംസ്ഥാനത്ത് മൂന്ന് ദിവസത്തെ ദുഃഖാചരണവും പ്രഖ്യാപിച്ചു.
ഇന്ന്, ജൂലൈ 21ന് ഉച്ചകഴിഞ്ഞ് 3.20 ന് തിരുവനന്തപുരത്ത് എസ്യുടി ആശുപ്രതിയിലായിരുന്നു അദ്ദേഹത്തിന്റെ അന്ത്യം. ഏറെ നാളായി വിശ്രമജീവിതത്തിലായിരുന്നു.
അദ്ദേഹത്തോടുള്ള ആദരസൂചകമായി സംസ്ഥാനത്തെ എല്ലാ സര്ക്കാര് ഓഫീസുകള്ക്കും പ്രൊഫഷണല് കോളേജ് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും പൊതുമേഖലാ സ്ഥാപനങ്ങള്ക്കും സ്റ്റാറ്റിയൂട്ടറി സഥാപനങ്ങള്ക്കും സ്വയംഭരണ സ്ഥാപനങ്ങള്ക്കും നെഗോഷ്യബിള് ഇന്സ്ട്രുമെന്റ്സ് ആക്ട് പ്രകാരമുള്ള സ്ഥാപനങ്ങള്ക്കും നാളെ, ജൂലൈ 22 (ചൊവ്വാഴ്ച) അവധി പ്രഖ്യാപിച്ച് സര്ക്കാര് ഉത്തരവിറക്കി.
ജൂലൈ 22 മുതല് സംസ്ഥാനമൊട്ടാകെ മൂന്ന് ദിവസത്തെ ഔദ്യോഗിക ദുഃഖാചരണം ആചരിക്കും. പ്രസ്തുത കാലയളവില് സംസഥാനമൊട്ടാകെ ദേശീയപതാക പകുതി താഴ്ത്തിക്കെട്ടേണ്ടതാണെന്നും ഉത്തരവില് പറയുന്നു.
കൂടുതല് വാര്ത്തകള്ക്കും തൊഴിലവസരങ്ങള്ക്കും ഗള്ഫ് വാര്ത്തകള് ഗ്രൂപ്പില് ജോയിന് ചെയ്യുക – https://chat.whatsapp.com/DEUubIBAkhI9HFrIvyQtal
വാട്സ്ആപ്പ് ചാനല് ലിങ്ക്- https://whatsapp.com/channel/0029VagTUieB4hdXiUEnVF1K
