മുംബൈ: കൊച്ചിയില് നിന്ന് പുറപ്പെട്ട എയര് ഇന്ത്യ വിമാനം മുംബൈയില് ഇറങ്ങുന്നതിനിടെ റണ്വേയില് നിന്ന് തെന്നിമാറി. ലാന്ഡ് ചെയ്യുന്നതിനിടെയാണ് സംഭവം. കൊച്ചിയില് നിന്ന് എത്തിയ AI 2744 എന്ന വിമാനം ടച്ച്ഡൗണിന് തൊട്ടുപിന്നാലെ തെന്നിനീങ്ങുകയായിരുന്നു.
വിമാനത്തിന്റെ എഞ്ചിനുകളില് ഒന്നിന് ഭാഗികമായി കേടുപാടുകള് സംഭവിച്ചതായും റിപ്പോര്ട്ടുകളുണ്ട്. അതേസമയം വിമാനം സുരക്ഷിതമായി ബേയിലേക്ക് ടാക്സി ചെയ്യാന് കഴിഞ്ഞതായും എല്ലാ യാത്രക്കാരും ജീവനക്കാരും സുരക്ഷിതരാണെന്നും ആര്ക്കും പരിക്കേറ്റിട്ടില്ലെന്നും എയര് ഇന്ത്യ വക്താവ് പറഞ്ഞു. ലാന്ഡിംഗിനിടെയുണ്ടായ കനത്ത മഴയാണ് അപകട കാരണമെന്നാണ് നിഗമനമെന്നും അധികൃതര് വ്യക്തമാക്കി.
കൂടുതല് വാര്ത്തകള്ക്കും തൊഴിലവസരങ്ങള്ക്കും ഗള്ഫ് വാര്ത്തകള് ഗ്രൂപ്പില് ജോയിന് ചെയ്യുക – https://chat.whatsapp.com/DEUubIBAkhI9HFrIvyQtal
വാട്സ്ആപ്പ് ചാനല് ലിങ്ക്- https://whatsapp.com/channel/0029VagTUieB4hdXiUEnVF1K
