കാലിഫോര്ണിയ: ബഹിരാകാശം കീഴടക്കി ഇന്ത്യന് വ്യോമസേന ഗ്രൂപ്പ് ക്യാപ്റ്റന് ശുഭാംശു ശുക്ല ഭൂമിയില് മടങ്ങിയെത്തി. ശുഭാംശു അടക്കമുള്ള നാല് ബഹിരാകാശ യാത്രികരെ വഹിച്ചുകൊണ്ടുള്ള ആക്സിയം 4 ദൗത്യത്തിലെ ഡ്രാഗണ് പേടകം കാലിഫോര്ണിയ തീരത്ത് വിജയകരമായി ഇറങ്ങി. 17 ദിവസങ്ങള്ക്ക് ശേഷമായിരുന്നു ദൗത്യ സംഘത്തിന്റെ മടങ്ങിവരവ്.
ശുഭാംശുവിന് പുറമെ നാസയുടെ മുന്നിര ബഹിരാകാശ സഞ്ചാരികളില് ഒരാളായ പെഗ്ഗി വിറ്റ്സണ്, പോളണ്ട് സ്വദേശി സ്ലാവോസ് ഉസ്നാന്സ്കി, ഹംഗറിയില് നിന്നുള്ള ടിബോര് കാപു എന്നിവരാണ് പേടകത്തിലുണ്ടായിരുന്നത്. ഡ്രാഗണ് പേടകം വീണ്ടെടുത്ത് സ്പേസ് എക്സിന്റെ എംവി ഷാനോണ് കപ്പല് കരയ്ക്കെത്തിച്ചു.
പലതവണ മാറ്റിവച്ച വിക്ഷേപണത്തിന് ശേഷം ജൂണ് 26-നാണ് ആക്സിയം 4 ദൗത്യ സംഘം അന്താരാഷ്ട്ര ബഹിരാകാശ നിലയത്തിലെത്തിയത്. നിലയത്തില് ലക്ഷ്യമിട്ട 60 പരീക്ഷണങ്ങളും പൂര്ത്തിയാക്കാന് ആക്സിയം 4 സംഘത്തിന് കഴിഞ്ഞു. കേരളത്തില് നിന്ന് കൊണ്ടുപോയ ആറ് വിത്തിനങ്ങളുടെ പരീക്ഷണമടക്കം നിരവധി ഗവേഷണങ്ങള് ഐഎസ്എസില് ശുഭാംശു ശുക്ലയുടെ മേല്നോട്ടത്തില് നടന്നു.
കൂടുതല് വാര്ത്തകള്ക്കും തൊഴിലവസരങ്ങള്ക്കും ഗള്ഫ് വാര്ത്തകള് ഗ്രൂപ്പില് ജോയിന് ചെയ്യുക – https://chat.whatsapp.com/DEUubIBAkhI9HFrIvyQtal
വാട്സ്ആപ്പ് ചാനല് ലിങ്ക്- https://whatsapp.com/channel/0029VagTUieB4hdXiUEnVF1K
