തിരുവനന്തപുരം: മുന് മുഖ്യമന്ത്രി വിഎസ് അച്യുതാനന്ദന്റെ ആരോഗ്യ നില ഗുരുതരമായി തുടരുന്നുവെന്ന് പുതിയ മെഡിക്കല് ബുള്ളറ്റിന്. സിആര്ആര്ടി, ആന്റിബയോട്ടിക് തുടങ്ങിയ ചികിത്സ തുടരാനാണ് മെഡിക്കല് ബോര്ഡിന്റെ നിര്ദ്ദേശം. ആവശ്യമെങ്കില് ചികിത്സയില് ഉചിതമായ മാറ്റങ്ങള് വരുത്തുമെന്നും മെഡിക്കല് ബുള്ളറ്റിനില് പറയുന്നു.
ഇപ്പോള് തിരുവനന്തപുരത്തെ എസ്യുടി ആശുപത്രിയിലാണ് വിഎസ് ചികിത്സയില് കഴിയുന്നത്. ഇവിടെ നിന്നുള്ള മെഡിക്കല് സംഘത്തിന് പുറമെ തിരുവനന്തപുരം മെഡിക്കല് കോളേജില് നിന്നും ഏഴ് സ്പെഷ്യലിസ്റ്റുകള് അടങ്ങുന്ന മെഡിക്കല് സംഘവും വിഎസിനെ പരിശോധിച്ച് ചികിത്സ വിലയിരുത്തി.
അതിനിടെ സിപിഎം ജനറല് സെക്രട്ടറി എംഎ ബേബി ആശുപത്രിയിലെത്തി വിഎസിനെ സന്ദര്ശിച്ചു. വിഎസ് അച്യുതാനന്ദന് ഗുരുതരാവസ്ഥയില് തുടരുന്നുവെന്നും മരുന്നുകളോട് പ്രതികരിക്കുന്നത് പ്രതീക്ഷ നല്കുന്നുവെന്നും അദ്ദേഹം പറഞ്ഞു.
കഴിഞ്ഞ തിങ്കളാഴ്ച രാവിലെയാണ് കടുത്ത ഹൃദയാഘാതത്തെ തുടര്ന്ന് വിഎസിനെ തിരുവനന്തപുരം എസ്യുടി ആശുപത്രിയില് പ്രവേശിപ്പിച്ചത്.
കൂടുതല് വാര്ത്തകള്ക്കും തൊഴിലവസരങ്ങള്ക്കും ഗള്ഫ് വാര്ത്തകള് ഗ്രൂപ്പില് ജോയിന് ചെയ്യുക – https://chat.whatsapp.com/DEUubIBAkhI9HFrIvyQtal
വാട്സ്ആപ്പ് ചാനല് ലിങ്ക്- https://whatsapp.com/channel/0029VagTUieB4hdXiUEnVF1K
