മലപ്പുറം: സംസ്ഥാനത്ത് നിപ രോഗം സ്ഥിരീകരിച്ച യുവതി ഗുരുതരാവസ്ഥയില്. വളാഞ്ചേരി സ്വദേശിയുടെ ആരോഗ്യനില ഗുരതരമായി തുടരുന്നുവെന്ന് ആരോഗ്യ മന്ത്രി വീണ ജോര്ജ്. രോഗിയുടെ റൂട്ട് മാപ്പ് ആരോഗ്യ വകുപ്പ് പുറത്തുവിട്ടു. 49 പേരാണ് സമ്പര്ക്ക പട്ടികയിലുള്ളത്. ഇതില് ആറ് പേര്ക്ക് രോഗ ലക്ഷണങ്ങളുണ്ട്. സമ്പര്ക്ക പട്ടികയിലുള്ള 49 പേരില് 45 പേര് ഹൈ റിസ്ക്ക് കാറ്റഗറിയില് ഉള്ളവരാണ്. അതേസമയം, പ്രദേശത്ത് അസ്വഭാവിക മരണങ്ങള് ഉണ്ടായിട്ടില്ലെന്നും ആരോഗ്യ വകുപ്പ് അറിയിച്ചു.
ഇന്നലെയാണ് മലപ്പുറം വളാഞ്ചേരി സ്വദേശിയായ യുവതിക്ക് നിപ സ്ഥിരീകരിച്ചത്. നിലവില് പെരിന്തല്മണ്ണ ആശുപത്രിയില് ചികിത്സയിലാണ്. പനിയും ശ്വാസതടസ്സവും വിട്ടുമാറാതെ വന്നതോടെ മെയ് ഒന്നിന് ചികിത്സ പെരിന്തല്മണ്ണയിലെ ആശുപത്രിയിലേക്ക് മാറ്റി. നിപ ലക്ഷണങ്ങള് കണ്ടതോടെ ഇന്നലെ ഇവരുടെ ശ്രവ സാമ്പിള് പരിശോധനയ്ക്കായി പൂനെ വൈറോളജി ഇന്സ്റ്റിറ്റ്യൂട്ടിലേക്ക് അയച്ചു. ഈ പരിശോധനഫലം പോസിറ്റീവാണെന്ന് അറിയിപ്പ് വന്നത്.
കൂടുതല് വാര്ത്തകള്ക്കും തൊഴിലവസരങ്ങള്ക്കും ഗള്ഫ് വാര്ത്തകള് ഗ്രൂപ്പില് ജോയിന് ചെയ്യുക – https://chat.whatsapp.com/DEUubIBAkhI9HFrIvyQtal
വാട്സ്ആപ്പ് ചാനല് ലിങ്ക്- https://whatsapp.com/channel/0029VagTUieB4hdXiUEnVF1K
