കൊല്ലം: സംസ്ഥാനത്ത് വീണ്ടും പ്രതിരോധ വാക്സിന് എടുത്തിട്ടും പേവിഷ ബാധ. കൊല്ലത്ത് വാക്സിന് എടുത്തിട്ടും ഏഴുവയസുകാരിക്ക് പേവിഷബാധ സ്ഥിരീകരിച്ചു. കൊല്ലം വിളക്കൊടി കുന്നിക്കോട് സ്വദേശിനിയായ കുട്ടിക്കാണ് രോഗം സ്ഥിരീകരിച്ചത്. കുട്ടിയെ ഒരുമാസം മുന്പാണ് നായ കടിച്ചത്. നിലവില് കുട്ടി തിരുവനന്തപുരം എസ് എ ടി ആശുപത്രിയില് ചികിത്സയിലാണ്. ഏപ്രില് 12-നാണ് കുട്ടിയെ നായ കടിച്ചത്.
ഉച്ചയ്ക്ക് വീടിനു മുന്നില് ഇരിക്കുകയായിരുന്ന പെണ്കുട്ടിയെ താറാവിനെ ഓടിച്ച് എത്തിയ നായ കടിക്കുകയായിരുന്നു. കൈമുട്ടിനാണ് കടിയേറ്റത്. ഉടന് തന്നെ ആശുപത്രിയിലെത്തി ഐഡിആര്വി ഡോസ് എടുക്കുകയും ചെയ്തു. അന്നുതന്നെ ആന്റി റാബിസ് സിറവും കുട്ടിക്ക് നല്കിയിരുന്നു. പിന്നീട് മൂന്നുതവണ കൂടി ഐഡിആര്ബി നല്കി. മെയ് 6-ന് അവസാന വാക്സിന് എടുക്കാനിരിക്കെ കുട്ടിക്ക് പനി ബാധിക്കുകയായിരുന്നു. തുടര്ന്ന് നടത്തിയ പരിശോധനയില് പേവിഷബാധ സ്ഥിരീകരിച്ചത്. അതേസമയം കുട്ടിയെ കടിച്ച നായ മറ്റാരെയെങ്കിലും കടിച്ചിട്ടുണ്ടോ, അത് കുട്ടിയെ കടിച്ചശേഷം എങ്ങോട്ട് പോയി തുടങ്ങിയ കാര്യങ്ങളില് വ്യക്തതയില്ല.
അടുത്തിടെ മലപ്പുറത്ത് പേവിഷ ബാധയേറ്റ് ചികിത്സയിലായിരുന്ന അഞ്ചുവയസുകാരി മരണപ്പെട്ടിരുന്നു. കോഴിക്കോട് മെഡിക്കല് കോളേജില് ചികിത്സയിലിരിക്കെയാണ് കുട്ടി മരണപ്പെട്ടത്. പ്രതിരോധ വാക്സിന് എടുത്തിട്ടും കുഞ്ഞിന് പേവിഷ ബാധ സ്ഥിരീകരിക്കുകയായിരുന്നു.
കൂടുതല് വാര്ത്തകള്ക്കും തൊഴില് അവസരങ്ങള്ക്കും ഗള്ഫ് വാര്ത്തകള് ഗ്രൂപ്പില് ജോയിന് ചെയ്യുക- https://chat.whatsapp.com/Iz8594zylUiGUCaltFYrr7
ഗള്ഫ് വാര്ത്തകള് വാട്സ്ആപ്പ് ചാനല് ലിങ്ക്- https://whatsapp.com/channel/0029VagTUieB4hdXiUEnVF1K
