തിരുവനന്തപുരം: മലയാളത്തിലെ പ്രശസ്ത സിനിമാ സംവിധായകനും ഛായാഗ്രാഹകനുമായ ഷാജി എന് കരുണ് അന്തരിച്ചു. 73 വയസായിരുന്നു. ഇന്ന്, വൈകിട്ട് അഞ്ച് മണിയോടെ തിരുവനന്തപുരം വെള്ളയമ്പലത്തെ വീട്ടിലായിരുന്നു അന്ത്യം. ഏറെ നാളായി അര്ബുദ രോഗത്തെ തുടര്ന്ന് ചികിത്സയിലായിരുന്നു. ഇന്ന് രാവിലെ മുതല് അദ്ദേഹത്തിന്റെ ആരോഗ്യസ്ഥിതി വഷളായിരുന്നുവെന്നാണ് വിവരം. നിലവില് കെ.എസ്.എഫ്.ഡി.സി ചെയര്മാനായി പ്രവര്ത്തിക്കുകയായിരുന്നു.
40 ഓളം സിനിമകള്ക്ക് ഛായാഗ്രഹണം നിര്വഹിച്ചിട്ടുണ്ട്. പിറവിയാണ് ആദ്യ ചിത്രം. സ്വപാനം, സ്വം, വാനപ്രസ്ഥം, നിഷാദ്, കുട്ടിസ്രാങ്ക്, എകെജി എന്നിങ്ങനെ കലാമൂല്യമുള്ള നിരവധി ചിത്രങ്ങള് മലയാളത്തിന് സമ്മാനിച്ചു. മികച്ച ഛായാഗ്രാഹകനുള്ള സംസ്ഥാന-ദേശീയ പുരസ്കാരങ്ങള് കരസ്ഥമാക്കിയിട്ടുണ്ട്. ആദ്യചിത്രമായ പിറവിക്ക് കാന് ഫിലിം ഫിലിം ഫെസ്റ്റിവല്ലില് ഗോള്ഡന് ക്യാമറ പ്രത്യേക പരാമര്ശമടക്കം നേടി അന്താരാഷ്ട്ര തലത്തില് ശ്രദ്ധനേടിയ സംവിധായകനായി.
ദേശീയ, അന്തര്ദേശീയതലങ്ങളില് മലയാള സിനിമയെ അടയാളപ്പെടുത്തിയ അതുല്യ പ്രതിഭയായിരുന്നു. 1952ല് ആയിരുന്നു അദ്ദേഹത്തിന്റെ ജനനം. ഏറ്റവും കൂടുതല് അന്താരാഷ്ട്ര പുരസ്കാരങ്ങള് നേടിയിട്ടുള്ള മലയാള ചിത്രമാണ് പിറവി. സ്വം എന്ന ചിത്രം കാന് മേളയിലെ പ്രധാന മത്സരവിഭാഗത്തില് പ്രദര്ശിപ്പിച്ചിട്ടുള്ള ആദ്യ മലയാള ചലച്ചിത്രമാണ്. സംസ്കാരം നാളെ വൈകിട്ട് നാല് മണിക്ക് തൈക്കാട് ശാന്തി കവാടത്തില് നടക്കും.
കൂടുതല് വാര്ത്തകള്ക്കും തൊഴില് അവസരങ്ങള്ക്കും ഗള്ഫ് വാര്ത്തകള് ഗ്രൂപ്പില് ജോയിന് ചെയ്യുക- https://chat.whatsapp.com/Iz8594zylUiGUCaltFYrr7
ഗള്ഫ് വാര്ത്തകള് വാട്സ്ആപ്പ് ചാനല് ലിങ്ക്- https://whatsapp.com/channel/0029VagTUieB4hdXiUEnVF1K
