ഡല്ഹി: സിന്ധു നദീജല കരാര് മരവിച്ച് ഇന്ത്യ. കരാര് മരവിപ്പിച്ചത് അറിയിച്ച് ഇന്ത്യ പാകിസ്ഥാന് നയതന്ത്ര കുറിപ്പ് നല്കി. സിന്ധു നദിയിലെ രണ്ട് ജലവൈദ്യുത പദ്ധതികളില് പാകിസ്ഥാന്റെ പരാതിയില് ലോകബാങ്ക് ഇടപെട്ടിരുന്നു. ലോകബാങ്ക് ഇടപെട്ടുള്ള തര്ക്കപരിഹാര ചര്ച്ചകളില് നിന്നും ഇന്ത്യ പിന്മാറിയേക്കും. ഇത് സംബന്ധിച്ച് വിദേശകാര്യ മന്ത്രാലയം അറ്റോര്ണി ജനറലിന്റെ ഉപദേശം തേടി.
കേന്ദ്ര ആഭ്യന്തര മന്ത്രി അമിത് ഷായുടെ അദ്ധ്യക്ഷതയില് ചേര്ന്ന യോഗത്തിലാണ് നടപടി കര്ശനമായി നടപ്പാക്കാന് തീരുമാനമായത്. ധാരണ. പാകിസ്ഥാന് വെള്ളം നല്കാതിരിക്കാനുള്ള ഹ്രസ്വകാല, ദീര്ഘകാല അടിസ്ഥാനത്തിലുള്ള 3 പദ്ധതികള് തയ്യാറാക്കിയെന്ന് ജലശക്തി മന്ത്രി വ്യക്തമാക്കി.
അതേസമയം സിന്ധു നദീജലക്കരാര് റ?ദ്ദാക്കിയാല് പാകിസ്ഥാനികള് ഒറ്റക്കെട്ടായി നിന്ന് ശക്തമായ മറുപടി നല്കുമെന്ന് പാകിസ്ഥാന് പീപ്പിള്സ് പാര്ട്ടി (പിപിപി) ചെയര്മാന് ബിലാവല് ഭൂട്ടോ. സിന്ധു നദീജല കരാര് താല്ക്കാലികമായി നിര്ത്തിവയ്ക്കാനുള്ള ഇന്ത്യയുടെ ഏകപക്ഷീയമായ തീരുമാനത്തെ അപലപിച്ച ബിലാവല് ഇന്ത്യയെ ഭീഷണിപ്പെടുത്തി. സിന്ധു നദി പാകിസ്ഥാന്റേതാണെന്നും അങ്ങനെ തന്നെ തുടരുമെന്നും ഒന്നുകില് നമ്മുടെ വെള്ളം സിന്ധുവിലൂടെ ഒഴുകും അല്ലെങ്കില് ഇന്ത്യക്കാരുടെ രക്തമൊഴുകുമെന്നുമായിരുന്നു ബിലാവാലിന്റെ വിവാദ പ്രസ്താവന.
സുക്കൂറില് നടന്ന പൊതുയോഗത്തിലാണ് ബിലാവാല് ഭീഷണി പ്രസ്താവന നടത്തിയത്. പൊതു താല്പര്യ കൗണ്സിലിന്റെ (സിസിഐ) സമവായമില്ലാതെ സിന്ധു നദിയില് ഒരു കനാലും നിര്മ്മിക്കില്ലെന്ന് പാക് സര്ക്കാര് തീരുമാനിച്ചത് സമാധാനപരമായ പോരാട്ടത്തിന്റെ വിജയമാണെന്നും അദ്ദേഹം പറഞ്ഞു. എല്ലാ പ്രവിശ്യകളുടെയും പരസ്പര സമ്മതമില്ലാതെ പുതിയ കനാലുകള് നിര്മ്മിക്കില്ല എന്നത് ഇപ്പോള് പാകിസ്ഥാന് സര്ക്കാരിന്റെ ഔദ്യോഗിക നയമാണ്. സിന്ധിനെ സംരക്ഷിക്കുമെന്ന് ഞാന് വാഗ്ദാനം ചെയ്യുന്നു. സ്വന്തം പരാജയങ്ങള് മറച്ചുവെക്കാനുള്ള ഇന്ത്യന് പ്രധാനമന്ത്രി മോദിയുടെ ശ്രമമാണ് കരാര് റദ്ദാക്കിയതിലൂടെ കാണുന്നത്. ജമ്മു കശ്മീരില് ഭീകരാക്രമണം നടന്നതിന് ഇന്ത്യ പാകിസ്ഥാനെ കുറ്റപ്പെടുത്തുന്നു. ഭീകരവാദം ഏറ്റവും കൂടുതല് ബാധിച്ച രാജ്യമായതിനാല് പാകിസ്ഥാന് അതിനെ ശക്തമായി അപലപിക്കുന്നുണ്ടെന്ന് ബിലാവല് പറഞ്ഞു.
എന്നാല് പഹല്ഗാം ഭീകരാക്രമണത്തിന് പിന്നാലെ പാകിസ്ഥാനെതിരെ ശക്തമായ നടപടിയുമായി മുന്നോട്ട് പോകാനാണ് ഇന്ത്യയുടെ തീരുമാനം. കാശ്മീരില് ഭീകരവാദികള്ക്കായി തെരിച്ചിലും ഊര്ജിതമാക്കിയിരിക്കുകയാണ്.
കൂടുതല് വാര്ത്തകള്ക്കും തൊഴില് അവസരങ്ങള്ക്കും ഗള്ഫ് വാര്ത്തകള് ഗ്രൂപ്പില് ജോയിന് ചെയ്യുക- https://chat.whatsapp.com/Iz8594zylUiGUCaltFYrr7
ഗള്ഫ് വാര്ത്തകള് വാട്സ്ആപ്പ് ചാനല് ലിങ്ക്- https://whatsapp.com/channel/0029VagTUieB4hdXiUEnVF1K
