വത്തിക്കാന് സിറ്റി: ഫ്രാന്സിസ് മാര്പ്പാപ്പയുടെ സംസ്കാരം ശനിയാഴ്ച നടക്കും. ഇന്ത്യന് സമയം ഉച്ചയ്ക്ക് ഒന്നരയ്ക്ക് ചടങ്ങുകള് നടക്കും. നാളെ ഫ്രാന്സിസ് മാര്പ്പാപ്പയുടെ മൃതദേഹം സെന്റ് പീറ്റേഴ്സ് ബസിലിക്കയില് പൊതുദര്ശനത്തിന് വെക്കും. അതേസമയം ഖബറടക്കം സംബന്ധിച്ച വിവരങ്ങള് ലഭ്യമല്ല. അമേരിക്കന് പ്രസിഡന്റ് ഡൊണാള്ട് ട്രംപ് ഫ്രഞ്ച്, അര്ജന്റീന പ്രസിഡന്റ് ഉള്പ്പെടെയുള്ള രാഷ്ട്ര നേതാക്കള് പങ്കെടുക്കും.
അതേസമയം ലളിതമായ രീതിയിലായിരിക്കണം ചടങ്ങുകള് എന്ന് മാര്പ്പാപ്പ പറഞ്ഞിരുന്നു. പാപ്പയുടെ മരണപത്രം വത്തിക്കാന് പുറത്തുവിടുകയും ചെയ്തു. അന്ത്യവിശ്രമമൊരുക്കേണ്ടത് റോമിലെ സെന്റ് മേരി മേജര് ബസിലിക്കയിലായിരിക്കണമെന്ന് മാര്പാപ്പ മരണപത്രത്തില് പറയുന്നു. ശവകുടീരത്തില് പ്രത്യേക അലങ്കാരങ്ങള് പാടില്ല. ലാറ്റിന് ഭാഷയില് ഫ്രാന്സിസ് എന്ന് മാത്രം എഴുതിയാല് മതിയെന്നും മാര്പാപ്പയുടെ മരണപത്രത്തില് പറയുന്നു. സഭയുടെ സ്ഥാപകനെന്ന് വിശ്വസിക്കുന്ന ക്രിസ്തു ശിഷ്യന് പത്രോസിന്റെ ശവകുടീരം സ്ഥിതി ചെയ്യുന്ന സെന്റ് പീറ്റേഴ്സ് ബസിലിക്കയിലാണ് മുന് മാര്പാപ്പമാരില് ഭൂരിഭാഗം പേരും അന്ത്യവിശ്രമം കൊള്ളുന്നത്.
തിങ്കളാഴ്ച ഇന്ത്യന് സമയം രാവിലെ 11.05 നാണ് മാര്പാപ്പ കാലം ചെയ്തത്. 88 വയസായിരുന്നു. ന്യുമോണിയ ബാധിതനായി 38 ദിവസം ആശുപത്രിയില് കഴിഞ്ഞ അദ്ദേഹം കഴിഞ്ഞ മാസം 23നാണ് വസതിയിലേക്ക് തിരികെയെത്തിയത്. പതിനായിരക്കണക്കിന് വിശ്വാസികളാണ് സെന്റ് പീറ്റേഴ്സ് ബസിലിക്കയിലേക്ക് ഇന്നലെ മുതല് ഒഴുകിയെത്തുന്നത്. അവരെ സാക്ഷിയാക്കി രാത്രിയില് നടന്ന സംസ്കാര ശുശ്രൂഷകള്ക്ക് കര്ദിനാള് കെവിന് ഫെരെലാണ് നേതൃത്വം നല്കി. അതിനിടെ മാര്പാപ്പയുടെ മരണകാരണം വ്യക്തമാക്കി വത്തിക്കാന് വാര്ത്താക്കുറിപ്പ് പുറത്തിറക്കി. ഹൃദയസ്തംഭനവും പക്ഷാഘാതവുമാണ് മരണത്തിലേക്ക് നയിച്ചതെന്ന് വത്തിക്കാന് അറിയിച്ചു.
കൂടുതല് വാര്ത്തകള്ക്കും തൊഴില് അവസരങ്ങള്ക്കും ഗള്ഫ് വാര്ത്തകള് ഗ്രൂപ്പില് ജോയിന് ചെയ്യുക- https://chat.whatsapp.com/Iz8594zylUiGUCaltFYrr7
ഗള്ഫ് വാര്ത്തകള് വാട്സ്ആപ്പ് ചാനല് ലിങ്ക്- https://whatsapp.com/channel/0029VagTUieB4hdXiUEnVF1K
