റിയാദ്: സൗദി ജയിലില് കഴിയുന്ന മലയാളി അബ്ദുല് റഹീമിന്റെ മോചനം വൈകുന്നതില് വിശദീകരണവുമായി നിയമസഹായ സമിതി. കേസിനെക്കുറിച്ചുളള വിമര്ശനങ്ങള്ക്കും സമിതി മറുപടി നല്കി. കേസ് പതിനൊന്ന് തവണ മാറ്റിവെച്ചതിന്റെ രേഖകളും സമിതി ഹാജരാക്കി. അവസാനം കേസ് പരിഗണിച്ചപ്പോള് കോടതി കേസ് ഫയല് ആവശ്യപ്പെട്ടെന്നും ജയിലില് നിന്ന് ഫയല് കോടതിയിലെത്തിയെന്നും നിയമസഹായ സമിതി വ്യക്തമാക്കി.
കേസില് അടുത്ത സിറ്റിംഗ് മെയ് 5 ഇന്ത്യന് സമയം ഉച്ചയ്ക്ക് 12.30-നാണ് .അടുത്ത സിറ്റിംഗ് മോചനത്തില് നിര്ണ്ണായകമാണ്. കേസ് ഫയല് പരിശോധന പൂര്ത്തിയായാല് കോടതി വിധി പറഞ്ഞേക്കും.
അതേസമയം റഹീമിന്റെ മോചനവുമായി ബന്ധപ്പെട്ട് കോടതിയില് ഡോക്യുമെന്റേഷനില്ല, അതിന്റെ രേഖകള് കാണിക്കുന്നില്ല എന്നിങ്ങനെയാണ് പ്രചരിക്കുന്നത്. കഴിഞ്ഞ 1 മുതല് 11 വരെ നടന്നിട്ടുളള സിറ്റിംഗുകളുമായി ബന്ധപ്പെട്ടുളള രേഖകള് ഞങ്ങളുടെ കൈവശമുണ്ട്. എന്തെങ്കിലും ഒരു ഡോക്യുമെന്റ് പുറത്തുപോയി അത് സമൂഹമാധ്യമങ്ങളിലൂടെ പ്രചരിപ്പിച്ച് അത് വരും നാളുകളില് റഹീമിന്റെ മോചനത്തെ ബാധിക്കരുത് എന്ന നല്ല ഉദ്ദേശത്തിലാണ് വിവരങ്ങള് രഹസ്യമാക്കി വെച്ചതെന്നും നിയമസഹായ സമിതി കൂട്ടിച്ചേര്ത്തു.
കൂടുതല് വാര്ത്തകള്ക്കും തൊഴില് അവസരങ്ങള്ക്കും ഗള്ഫ് വാര്ത്തകള് ഗ്രൂപ്പില് ജോയിന് ചെയ്യുക- https://chat.whatsapp.com/Iz8594zylUiGUCaltFYrr7
ഗള്ഫ് വാര്ത്തകള് വാട്സ്ആപ്പ് ചാനല് ലിങ്ക്- https://whatsapp.com/channel/0029VagTUieB4hdXiUEnVF1K
