ഡല്ഹി: എസ്ബിഐ (സ്റ്റേറ്റ് ബാങ്ക് ഓഫ് ഇന്ത്യ)യില് സേവിംഗ്സ് ബാങ്ക് അക്കൗണ്ടുകള്ക്ക് മിനിമം ബാലന്സ് ഇനി ആവശ്യമില്ല. നോര്മല് സേവിംഗ്സ് ബാങ്ക് അക്കൗണ്ടുകള് മിനിമം ബാലന്സ് നിലനിര്ത്തേണ്ട ആവശ്യമില്ലെന്ന് കേന്ദ്ര ധനസഹമന്ത്രി പങ്കജ് ചൗധരി അറിയിച്ചു. മാര്ച്ച് 2020 മുതല് മിനിമം ബാലന്സ് ഇല്ലാത്ത അക്കൗണ്ട് ഉടമകളില് നിന്നും പിഴ ഈടാക്കുന്നില്ലെന്നും മന്ത്രി ലോക്സഭയില് അറിയിച്ചു. മിനിമം ബാലന്സ് ഇല്ലാത്തതിന്റെ പേരില് പിഴ ഈടാക്കുന്നത് ഒഴിവാക്കണമെന്ന് ആവശ്യപ്പെട്ട് എന്.കെ പ്രേമചന്ദ്രന് ഉന്നയിച്ച ചോദ്യത്തിനാണ് മന്ത്രി മറുപടി നല്കിയത്.
അതേസമയം ആര്ബിഐയുടെ മാര്ഗനിര്ദേശ പ്രകാരം ബാങ്കില് അക്കൗണ്ട് തുടങ്ങുന്നതിന് മിനിമം ബാലന്സ് നിശ്ചയിച്ചിട്ടുണ്ട്. തുടര്ന്നുള്ള മാറ്റങ്ങള് ഉടമയെ അറിയിക്കും. ബാങ്കില് നിശ്ചിത തുക മിനിമം ബാലന്സായി ഇല്ലെങ്കില് പിഴ ഈടാക്കുന്നത് സംബന്ധിച്ച് ബാങ്ക് അക്കൗണ്ട് ഉടമയെ അറിയിക്കുകയും ഒരു മാസത്തിനുള്ളില് തുക ഒടുക്കി മിനിമം ബാലന്സ് അക്കൗണ്ടില് ഇട്ടില്ലായെങ്കില് പിഴ ഈടാക്കുവാന് വ്യവസ്ഥയുണ്ട്. എന്നാല് ഒരു സേവിങ്സ് ബാങ്ക് അക്കൗണ്ടില് മിനിമം ബാലന്സ് ഇല്ലായെന്ന കാരണത്താല് ഈടാക്കുന്ന പിഴ കൊണ്ട് അക്കൗണ്ട് ഒരിക്കലും നെഗറ്റീവ് അക്കൗണ്ടായി മാറുന്നില്ലെന്ന് ഉറപ്പുവരുത്തണം.
കൂടുതല് വാര്ത്തകള്ക്കും തൊഴില് അവസരങ്ങള്ക്കും ഗള്ഫ് വാര്ത്തകള് ഗ്രൂപ്പില് ജോയിന് ചെയ്യുക- https://chat.whatsapp.com/Iz8594zylUiGUCaltFYrr7
ഗള്ഫ് വാര്ത്തകള് വാട്സ്ആപ്പ് ചാനല് ലിങ്ക്- https://whatsapp.com/channel/0029VagTUieB4hdXiUEnVF1K
