ദോഹ: രാജ്യത്തുടനീളമുള്ള നിരവധി പ്രദേശങ്ങളെ ലക്ഷ്യമിട്ടുള്ള (മൂന്നാമത്തെ) ആക്രമണ തരംഗത്തെ വിജയകരമായി തടയുകയും നിര്വീര്യമാക്കുകയും ചെയ്തതായി ഖത്തര് പ്രതിരോധ മന്ത്രാലയം. ഉയര്ന്ന തലത്തിലുള്ള സന്നദ്ധതയും ജാഗ്രതയോടെയുള്ള സുരക്ഷാ നടപടികളും ബന്ധപ്പെട്ട അധികാരികള് തമ്മിലുള്ള അടുത്ത ഏകോപനവും ആക്രമണത്തെ വിജയകരമായി പ്രതിരോധിക്കാന് സഹായിച്ചതായും പ്രതിരോധ മന്ത്രാലയം അറിയിച്ചു.
ഭീഷണി കണ്ടെത്തിയ ഉടന് തന്നെ മുന്കൂട്ടി സുരക്ഷാ നടപടികള് സ്വീകരിച്ചതായും അംഗീകരിച്ച പ്രവര്ത്തന പദ്ധതിക്ക് അനുസൃതമായും അത് അഭിസംബോധന ചെയ്തതായും മന്ത്രാലയം സ്ഥിരീകരിച്ചു. ഖത്തറില് പതിക്കുന്നതിന് മുമ്പ് എല്ലാ മിസൈലുകളും തടഞ്ഞുനിര്ത്തി നശിപ്പിച്ചതായും മന്ത്രാലയം അറിയിച്ചു.
രാജ്യത്തിന്റെ സുരക്ഷ ഉറപ്പാക്കുന്നതിനും ഏതെങ്കിലും ബാഹ്യ ഭീഷണിയോട് ശക്തമായി പ്രതികരിക്കുന്നതിനും ഖത്തര് സായുധ സേനയ്ക്ക് പൂര്ണ്ണ ശേഷിയുണ്ടെന്നും പ്രതിരോധ മന്ത്രാലയം വ്യക്തമാക്കി. രാജ്യത്തെ സുരക്ഷാ സാഹചര്യം സുസ്ഥിരമാണെന്നും പൂര്ണ്ണമായും നിയന്ത്രണത്തിലാണെന്നും പ്രതിരോധ മന്ത്രാലയം വീണ്ടും സ്ഥിരീകരിച്ചു.
അതേസമയം പൗരന്മാരോടും താമസക്കാരോടും സന്ദര്ശകരോടും ശാന്തത പാലിക്കാനും സുരക്ഷാ അധികാരികള് നല്കുന്ന ഔദ്യോഗിക നിര്ദ്ദേശങ്ങള് പാലിക്കാനും കിംവദന്തികള് ഒഴിവാക്കാനും ഔദ്യോഗിക മാര്ഗങ്ങളിലൂടെ പുറത്തുവിടുന്ന വിവരങ്ങള് മാത്രം ആശ്രയിക്കാനും മന്ത്രാലയം അഭ്യര്ത്ഥിച്ചു.
കൂടുതല് വാര്ത്തകള്ക്കും തൊഴിലവസരങ്ങള്ക്കും ഗള്ഫ് മലയാളി വാര്ത്താ ഗ്രൂപ്പില് ജോയിന് ചെയ്യുക – https://chat.whatsapp.com/DEUubIBAkhI9HFrIvyQtal
വാട്സ്ആപ്പ് ചാനല് ലിങ്ക്- https://whatsapp.com/channel/0029VagTUieB4hdXiUEnVF1K
